|
قصيدة:حسيني وافتخر
قصيدة:حسيني وافتخر الشاعر:عمر فاروق البدرائي القصيده قالها الرادود في حسنية آل بوحمد 1430هـ حسيني وافتخر كوني حسيني ... حسيني حسيني منهجي ومنهاج ديني ... حسيني رغم قسوة زماني ... عشكَت احسين آني حسيني... حسيني *** أنه الكل يوم والدمع ايْتهالـه ... على مصابه ومِحِنته أنـوح واذكر لظعن الرسالـه ... مِنِ ابدايـة رحِلْتـه محرّم بالسمه امن انظر هلاله ... يعذّبنـي بطلِعـتـه أهيم وأذكـر اسهـامه ونباله ... عسـن لا يوم شفته محرّم عايش ابروحي ودليلي ... محرّم محرّم حزنه بي يسعر غليلي ... محرم سهم حزنه رماني ... عشكَت حسين آني حسيني.... حسيني *** تتبّعت لزهـير وعـابس وجـون ... وحبيب ابـن مظاهر عشكَت حسين آني بحبّه مجنـون ... عشكَـ باطن وظاهر رغـم كيد العـواذل واليضـدّون ... أظـل ابحبّـه جاهر وخَلْ يسمعني كل واحد ابهالكـون ... لظـل بدربـه ساير حياتي فدوه لحْسين ومَحَبْته ... حياتي حياتي كلهه أفنيهـا بخِدِمْته ... حياتي العشكَـ بالطف ولاني ... عشكَت حسين آني حسيني.... حسيني *** حُسَين شـمـا قسـت أيّـامي بيّه ... يـزود بكَلبي عشكَه الكَلب بمْحبّـتـه وبرضـه الزجيّه ... يظـل للموت يبكَه ألكَلب لـو هـام بـرض الغاضريّه ... يخـي والله حكَّـه أرض ضمّـت أجـل وازكـه البريّه ... مثلهـا ويـن ألكَه عساني الموت ياخذني بمحبته ... عساني عساني أندفـن آنـي بتربته ... عساني أنه بكَلبي ولساني ... عشكَت حسين أني حسيني.... حسيني *** حسين الضحّه بوْلاده وبنينـه ... لجـل شرع الرساله فده الدنيا وبنه بدم نحـره دينه ... وهدم عرش الضلاله رفض ذلّ الحياة وشوفه وينه ! ... صـرح شامخ تعاله تظن نكَدر نجازي بلطم ادينـه ... لمثل شخصه وجلاله يريدك ترفض الذل يا موالي ... يريدك يريدك دوم راسك يبقه عالي ... يريدك يمـن يهتف إجاني ... عشكَت حسين آني حسيني....حسيني |
السلام على الحسين وعلى علي بن الحسين وعلى أولاد الحسين وعلى أصحاب الحسين أثابكم الله أختي الفاضلة ينقل لقسم الشعر والخواطر تحياااتي نور... |
جزاكم الله خيرا بــــــــــ الله فيكم ـــــــارك وسدد خطاكم لمافيه الخير والصلاح لاتنسوني ووالدي والمؤمنين من خالص دعائكم |
اللهم صل على محمد وال محمد
السلام على مولانا الحسين المظلوم عليه السلام اشكركم اختى الكريمة عاشقة الزهراء البتول على نقل احدى قصائد اخى وحبيبي وصديقي المخلص عموري الوردة رزقكم الله شفاعة الحسين ع خادمكم في الحسين الايهم الرافضي عادل التماس دعا |
بارك الله فيكم ورفع قدركم وزودكم التقوى |
السلام على الحسين وعلى اصحاب الحسين وعلى اولاد الحسين
حسين مني وانا من حسين احب الله من احب حسيناً بارك الله فيكم مولاتي ماجورين |
اشكر لكم مروركم الكريم على صفحتي المتواضعة وإنه لشرف كبير لي الذي أضاف على صفحتي لها رونقا خاصا فلا يسعني إلا أن أشكر مروركم الجميل والرائع.... جعلها الباري في ميزان حسناتكم بحق محمد و آل محمد نسأل الله و ندعوه بالاجر و الثواب لكم و رفعة المقام و قضاء الحوائج حفظكم الله و رعاكم و سدد للخير خطاكم بحق محمد و آل بيته الطيبين الطاهرين |
| الشبكة: أحد مواقع المجموعة الشيعية للإعلام الساعة الآن: 01:06 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025