|
وطن الموت
وطن الموت شكتب عن وطن گبعه استار الموت وشكتب عن مدينة من الحرب تنحب عاصمته اليتيمة الدولباها البين ومن كثر المكابر غدت ما تنطب شكتب عن بلد بچّه الرضيع اعليه وجر حسره اعله ضيمه وبالمهد شيّب التعلعل عالدول مكتوب بس مو دوم لاچن عالعراق المشكلة اموجّب عجيبة انشوف هذا الصار متحيرين ومحد من تواصل گام يتعجب لان تعويد صاير فرح ما يلفيه وغير الهم ندور ياهو بيه يرغب ما شاف اليمدله ابخير چف العون شاف اعيون صلفه الموته تترقب شاف النار بارضه وبيد جاره الماي ما يركض يطيفي ايكيف ان تنشب نازف جرح گلبه ومن كثر ما فاض يبس ماي الشواطي ودمه بيها انصب شكتب عن شعب مظلوم ما مرتاح ما شاف الفرح خلصها بس يتعب واطفاله اليتامه الما مثلها اطفال بالعاب المنايا اتعودت تلعب شكتب والقصص متوشحة اباحزان وابغير الحزن قالبها ما ينصب بيا موطن حضارة الفلك هذا ايصير يتاخر قرون وعمله يتسلّب بس المن نحاچي او وين نشكي الحال معدوم الضمير البالحق امعتّب جان ابكل وكت ما ينچهب ينهاب هسه ارتخه اشداده ولازمن ينضب حتى ايعرف گدره الصار عالي الموج الخلاهه اعله راسه اسيوفه تتگلّب حتى ايعرف چفّه اشتنطي من تنضام ما يحسبها مثله وهو چفّه اعضب ويفهم ما حصل كل هذا بس اصواب ومعروف العراق اهوايه يتصوّب خل عنّه الغرُب والخير باهله البيه تتلاحگ وطنها وتعرف المطلب مطلوب الحزم تنشد ابوجه الغير وتبقى ابچف امين وشدها ما يخرب احمد العتابي العراقي |
اقتباس:
أخي العزيز أحمد العراقي الوطني رعاك الله عاشت ايدك على هذه الكلمات المؤلمه حقا بحق عراقنا الجريح قد تعجز الكلمات وتتلعثم الجمل بالرد على كلماتك الله يوفقك ويسدد خطاك على طريق الولاية تقبل مروري الخجل بساحل بحر كلماتك أخوك على الداوام حيدر الناصري |
اللهم صل على محمد وآل محمد احمد العتابي العراقي ---- احسنت يا ابو شهاب والله هالعراق ابلتى بجيران مثل الطفل تصيح عليه يبجي تسكت عنه يركب على ظهرك بيهم هوايه من شمائل القرود تحط بيده موزه يحط ايده على راسه تطرده يحط ايده على مؤخرته الله يفرج على العراق واهل العراق |
بسم الله الرحمن الرحيم
شاعرنا الكريم احمد العراقي حروفكم ابكت القلم قبل ان يدون الكلمات واشجى الورقه حين اصبحت قوافي تعلوها,, ادام الله نزف قلمكم المبدع بارك الله بكم وسدد خطاكم |
حبيبي واستاذي احمد .. من مظاهر ابداع الشاعر أن يكتب صوراً يمزج فيها بين الحزن والقوة الشعرية وهذا ما وجدته في قصيدتك الرائعة بارك الله في قلمكِ الذي كتبها ووفقك الله لكل خير تقبل مروري خادمك الصغير وجدي الجاف |
السلام عليكم اخي العزيز حيدر رؤية اسمكم بين ثنايا الصفحة يغنيني عن كل كلمات الشكر فهو اجل واكبر وابهى من فيض حروف الاطراء شكرا جزيلا لك اخي لهذا التواصل رائع والطيب لاحرمناك ووفقك الله تعالى لكل خير ومد في عمرك وعليكم السلام |
اقتباس:
|
اقتباس:
صبآح مبآرك كلمات في قمة الروعة احساسك فيها قوي يختلج الحروف سلمت يمناك اخي احمد العراقي |
http://m7ml.com/uploads6/212414c8ba.bmp مهما حاولت التعبير او التعليق فلن اجيد فروعة ماقدمتم الزمتني الصمت واغرورقت عيناي بالدموع ولانملك الا الدعاء بالفرج لعراق الحسين تحياااتي نور... |
السلام عليكم
عمي الغالي ابو تركي احسن الله تعالى اليك وحفظك دوما من كل سوء ومكروه العراق مبتلى بكل شيء ولكن الفرج قريب ان شاء الله نسال الله تعالى الامن والامان في ربوعه وكل بلدان المؤمنين من شيعة امير المؤمنين عليه افضل الصلاة والسلام شكرا لطيب تواجدك ولاعدمناك ان شاء الله وعليكم السلام |
| الشبكة: أحد مواقع المجموعة الشيعية للإعلام الساعة الآن: 03:30 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025