|
للزهراء ع بميلادها..((جنح جبريل))
((جنح جبريل))
ماتلزم شمس وجفوف ايديك زغار وتلوم الضوة من جفوفك تبدة اذا ماجنت تدري شجابك عللنار يتمثال الشمــــــع يانار تتحدة باوع عالطريق وعالمشة وياك اخاف يروح بيك ومن يرد وحدة وخاف اللي تظن ناعورة يطي الماي على جتاف النهر يتحول السدة!! فرق مابين تسكي الورد بيدك ماي وبين جفوف عمدا تكطع الوردة اطب بحر الشعربشراع مامكسور ويجيني الروج عالي وماين اتعدة انه السكان بيدي والبحر شبرين تضل بكيفي اهدة... بكيفي ماهدة بس اعجز شعر لوذكرو الزهراء ويشربني البحر من يكبر بمدة.... ولا احتار اوصفج ادري ليش احتار اذا القرآن فضلج بالسور عدة كال عللنبي (خلقك عظيم)وشاف روح المصطفى انت وبالنفس وحدة اذن لو ردت اوصفج اوصف المختار لانج بضعة منة وقطعه من مجدة وما اعرف اسنين اتحاشة وصفج ليش؟؟ وجبيني بحضرتج بالمستحه اتندة جنح جبريل شعري!!وانت نور الله وحقج يحترك لوجاوزت حدة!! اجي الـ (بيت)الشعرارد اوصف الزهراء وعلى (عتبه)قوافي جروحج اتعدة وصلت الباب شفت بكصته لطخة عار بسمار الحقد جف الغدر حـــــــــــدة باب اللي يجيب الريح اسدة يجوز لكن باب موتج محد يســـــــــــــدة! الردة اتحالفت تذبح الدين تريد وترجعنه الهبل وتريدنه نعبــــــدة بس ضلوع صدرج ثورة ضد الباب شالت سيف حيدر ذبحت الردة؟؟؟! *************************** ودمعه اللي تمر لاتمر كلهه اليوم وعلى باب الجفن لاتدك وصيهه اضمهه اليوم عوز وشحة بالدمعات وعلى خدود الحزن بالسكته ابجيهه واجي الباب الرسول ارداوصف الزهراء وعلى شفافي شعر وابيات احجيهه واخاف من الخشب ليقشمره البسمار وخاف افتح الباب الباب ياذيهه!! بقلمي واثق العيساوي |
أخي واثق ... قصيدة جداً رائعة مأجور عليها وموفق ان شاء الله خاصة وهي بمولاتنا الزهراء البتول (ع) قضى الله حوائجك بجاه محمد وآل محمد |
نعم والله يا واثق الخطا واثق العيساوي بحر الشعر عندك شبر احسنت وابدعت بمدح سيدة نساء العالمين ومن دواعي سروري ان ارى واثق العيساوي على صفحات منتدى الشعر واخواطر في انا شيعي العالمية تقبل مروري بكل ود |
احسنتم باركً الله بيكم متباركين بميلاد الزهراء ص |
الاخ العزيز((وجدي الجاف))..... شكرا لمرورك الكريم وتقبل خالص تقديري واحترامي. |
الرائع الكريم((البدري 14))... شهادة كريمه من شخص كريم مثلك اعتز بها ,,ويشرفني ان اكون بينكم اخي العزيز,,,,حبي وتقديري |
الاخت العزيزة((ربيبة الزهراء))... مبارك عليك ولادة الزهراء وشكري لمرورك الرائع!!! |
اللهم صل على محمد وال محمد وعجل فرجهم وفرجنا بهم كتبت فأبدعت اخي الكريم أرق تحية موفق لكل خير |
اقتباس:
الاخت ((نسايم )) شكرا لمروركم الكريم تحياتي ويسعدني جدا ان اكون احد اعضاء هذا الصرح الحسيني العظيم!!! |
الرائع واثق العيساوي لاحرمنا الله هذه الكلمات الولائيه دوما بانتظار جديدك |
| الشبكة: أحد مواقع المجموعة الشيعية للإعلام الساعة الآن: 03:00 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025