|
ما تستاهل ابجيلك
ما تستاهل ماتستاهل ابجيلك حرامات ولاتاخذ بعد من عيني دمعه چنت ازرع ورد بس هسه مجبور حته الباقي منهن راح أشلعه أيس مابقتلك يمي اسرار وحته اليدگ باب الروح ادفعه بقى يمي الشمع بس ذوبه الليل وانه متاني الصبح يطلع واشيعه عرفتك ثوب بس ماتستر العيب المايرهم علي مجبور انزعه چنت اخجل واعبرلک حجی هوای واعرف بي چذب بس كلت اسمعه وهسه أتكطعت وياك الدروب وبقه درب الخجل بلساني اكطعه كرهتك كثر ماودعت الشموع شمعه بعيني تحله وتطفه شمعه جنت كبر الجرح شايل معاناة وصدك جان الكلب من ينعه ينعه جن داخل حسن لو طلعت الاخ وتطلع روحي الك وتردهه فدعه حسبّتك رقم من لمعة البيك وين ادري الصفر هم ينطي لمعه؟؟ وين ادري الغصن بيه يركض الموت وعلى عش المحنه يودي الافعه باجر راح اجفن كل الجروح ونعش الذكريات براسي اشيعه وباجر راح اهدّم بيت الدموع وابني من الفرح بعيوني قلعه وتذبل شفتك وترد الي زحوف وانه بجفي النهر وبكيفي اكطعه وأكلك كلشي مات اللهفه والشوك محال اليندفن تكدرترجعه وسود تصير كلهه ايامك البيض وينذل خاطرك ويعض اصبعه مثل ماجرعتني بكاسك الموت كاس الذل شرط باجر تجرعه كاس الذل شرط باجر تجرعه تحياتي لكم |
دائماً كلماتك قمة الروعه اخي... طيب وش معناها فدعه ؟؟ بانتظار جديدك.... |
وعليكم السلام ورحمة الله
اختي العزيزة عفوا ليس كلمة فدعه وانما دفعه وتطلع روحي الك وتردهه دفعة ارجو المعذرة عموما شكرا لكي ولمروركي العطر تحياتي امير |
اقتباس:
انا فكرت كلمه بالعراقي وانا مو عارفتها وعآآآدي أخي المهم ان الكلمات رائعه.. دمت بخير |
باجر راح اجفن كل الجروح ونعش الذكريات براسي اشيعه وباجر راح اهدّم بيت الدموع وابني من الفرح بعيوني قلعه وتذبل شفتك وترد الي زحوف وانه بجفي النهر وبكيفي اكطعه وأكلك كلشي مات اللهفه والشوك محال اليندفن تكدرترجعه وسود تصير كلهه ايامك البيض وينذل خاطرك ويعض اصبعه مثل ماجرعتني بكاسك الموت كاس الذل شرط باجر تجرعه كاس الذل شرط باجر تجرعه ربنا يسلم ايدك قصيده روعه من احلى ماقريت تجي عالجرح يطيب |
رائع ما خطته أناملك أيها الامير العراقي
اتمنى لك التوفيق دمت بود الكوفي |
جميل اخي امير العراقي
الكلمات جميلة ورائعة نحن بانتضار المزيد من ابداعاتك اخوك عادل الناجي |
| الشبكة: أحد مواقع المجموعة الشيعية للإعلام الساعة الآن: 03:08 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025