روّح تراني قلتهـا اليـوم مابيـك



معطيك قلبـي ولا قبلـت العطيّـه



درب سماح وربي يجبر خطاويـك



معاد لك عنـدي مكـان(ن) هنيّـه



راعي الهوي اقفى وغادر اراضيك



وش له بأرض(ن) ما بها قلوب حيّه



لا تحسب اني باق(ن) في حراويك



ولا انتظر منك وعـود(ن) وجيّـه



ودعتـك الله لا تمـادى بهقاويـك



عيشـي حياتـك واقفليهـا قضيّـه



يالله ياقلبي لك طعـون(ن) تناديـك



تقـول هـذا بلسمـي فـي يديّـه



تعال يمـي والتفـت لـي اداويـك



محد سواتك علـم(ن) باللّـي فيّـه



ارجوك ياقلبي طلبتـك ووصيـك



الليّ جري ذااليـوم ماهـو شويّـه



خلك مع اللي دايـم الـدوم مغليـك



خل(ن) عطوف ما حصل منه سيّه



عود ترى روحه مع الشوق تدعيك



تقول وينـك طـال بعـدك عليّـه

موفقة لكل خير

بانتظار المزيد من ابداعاتك

تحياتي نور..