منتديات أنا شيعـي العالمية - في عشق الامام علي عليه السلام

في عشق الامام علي)
***
اللهم صل على محمد وال محمد
لا تلموني
لا تلموني
مو دمع دم على عيوني
دم على عيوني
انه العاشكـَ يسموني
عشكـَ حيدر عمه عيوني
سواجي دموع خلوني
تنشدوني و تذكَروني
صرت ضايع يضنوني
عليك ادمع ينشدوني
وكَلهم ما تعرفوني
من حيدر خذت لوني
علي حبك علي مولاي علي يسري بشرايني
***
علي ماي ويروي اليابس وعطشان يرويني
***
ونه بلايك يا مولاي تايه ما اعرف ديني
***
تاخذني وتردني اهموم ترسيني
مثل طفل المتيه تايه ومحتار بسنيني
***
انه الضايع علي بسمك يحاجوني
***
لكَيتك انت يا مولاي سالوفه ويطروني
***
اعمه امنين دربي ومن يدليني
وشفت حبك وخذني بدمعه من عيني
***
اثرفهة على عشكَكَـ ليل يطويني
***
وصرت نهار كل مصباح تطريني
***
يل منك احجايه ابكَبر هاي الكَاع حاجيني
وحس بردان يل بسمك تدفيني
***
وتدثرني بحنانك فيض غطيني
***
وستر منك يبو الحسنين وطشر تلملمني
***
علي طير ارد اطير وماكَو جنحاني
كَسرهن زماني وغربه خلاني
***
وضمدهن على اسمك انه وزماني
***
بحر حبك يفيض وتغركَـ اجناني
***
وشوفنك نجاة ولذت بوطاني
وذا ضيعت اصلي ومن ينشدوني
***
اكول يتيم والرافض يسموني
***
من حيدر علي وكَلهم يصيحوني
***
علي اسمك فرح وبذكرك يهل ديني
***
يل منك حزن وهمومي تلويني
علي حبك
علي مولاي
علي يسري بشرايني
_________________
تحياتي
اخيكم
خادم ال البيت عليهم السلام
مهند الاؤسي