منتديات أنا شيعـي العالمية - حبيبي منذ طفولتي

كل ما يشوفوا اسمو بيسألوني من بيكون؟؟؟
بقلن حبيبي من انا وعمري سنةhttp://www.abu-hadi.net/vb/images/smilies/19_f.gif
ما بيصدقوني
بدي خبركم عنو بس بالعامية
ما عندي قدرة عالتركيز

اليوم بدي عرفكم عليه وخبركم كيف حبيتوا

من لما كنت زغيرة كنت شوفو بالصورة
صورتو كانت بكل بيت من بيوت عيلتنا
عنا بالبيت وعند بيت عمومتي
بتذكر انو من انا وزغيرة كنت كل ما شوف صورتو اركض وبوسا
وقول رضا رضا
حبيبي عمو

ما كنت اعرف وينو كانوا يقولولي بالسماhttp://www.abu-hadi.net/vb/images/smilies/smile.gif ما كنت اعرف شو يعني
بالسما لصار عمري 5 سنين
لما ماتت تيتا
وقتا صرت اسأل وينها تيتا
وعرفت انو في شي اسمو موت
وفي مقبرة بيروح عليها الميت
بعدين كبرت وكنت اسمعن كلن بيحكوا عنوا

وبيقولوا( قمرهم رضا) ( واحسن واحد فيهم) اكيد المقصود من بين عمومتي
http://www.abu-hadi.net/vb/images/smilies/biggrin.gif

وبقيت احس انو الو بقلبي محبة مختلفة عن أعمامي الباقيين
http://www.abu-hadi.net/vb/images/smilies/smile.gif
لما كبرت اكتر يعني لما صرت افهم شوي بالدنيا
وصرت اذا قرات افهم شو بقرا وهيكي صرت ادخل المكتبة الخاصة بعمي
وصرت فلفش بالكتب
هي كتب صارت عتيقة
بس اللي بيقراها بيعرف من كان رضا
لما صرت اقرأ عمي ( كتاباتو) صرت أعرفو أكتر وصرت افهم ليش كانوا يقولوا عنو هيكي
هو بجد غير كل عيلتنا http://www.abu-hadi.net/vb/images/smilies/frown.gif مش متلن ابدا
المهم هيكي صرت حبو من كتاباتو وفكرو

عمي حبيبي

كان كل امنياتي شوفو
دايما لما كون مقهورة وما للاقي حدا جنبي
بروح لعندو بروح وبتعوق عندو

ولما بيسالوا عني وما بيلاقوني عند بيت عمومتي بكون اكيد بالجبانةhttp://www.abu-hadi.net/vb/images/smilies/smile.gif
هناك بحكي معو وبشكيلو http://www.abu-hadi.net/vb/images/smilies/smile.gif

ما بعرف عندي احساس انو بيسمعني
هيدا هو عمي
ما بعرف هيدا اللي طلع معي هلء
بحبو كتير

كنت بتمنى شوفو
والحمد لله تحقق امنيتي وشفتو كمان مع الامام الحسين
http://www.abu-hadi.net/vb/images/smilies/31_f.gif

ما بعرف الكتابة مش مترابطة
بس هيداا اللي طلع معي وانا بهالحالة http://www.abu-hadi.net/vb/images/smilies/smile.gif

ادعولي وادعولوhttp://www.abu-hadi.net/vb/images/smilies/15_f.gif

يمكن بحبو كتير لانو متلي
في كتير اشيا بشبهو فيها

هو حتى لما غاب عن هالدينا كان بمتل عمري
ما بتصور هلء نلاقي شاب بالعشرين من عمرو ورجل بكل ما للكلمة من معنى
بس عمي كان هيكي
http://www.abu-hadi.net/vb/images/smilies/31_f.gif
وابني حيدر لازم يكون متلو http://www.abu-hadi.net/vb/images/smilies/31_f.gif