السلام عليكم و رحمة الله و بركاته ...
اللهم صلي على محمد وال محمد وعجل فرجهم الشريف ...
بسبب كثرة البرامج على الانترينت و الحاجه الماسه لرفع بعض البرامج المهمه على مواقع رفع الملفات المتوفره و صعوبة الرفع على بعض المواقع وصعوبة التسجيل بالبعض الاخر و بعض مشاركات الاخوه الاعزاء التي تحتوي على بعض الروابط لبرامج او صور تحذف بعد فتره معينه والتي لا يمكن تعديل بعضها قررت ان انزل هذا الموضع خدمة للمنتدى المبارك ...
طبعا لازم اذكر بعض المعلومات عن الموقع الي ان شاء الله اشرحه ...
اسم الموقع :- http://www.4shared.com
التسجيل :- مجاني و اكو بفلوس بس احنه ندور مال بلاش .
السعه :- 1كيكا بايت ( يعني يكدر العضو بحالة الاشتراك المجاني رفع ملفات و برامج بحجم 1 كيكا بايت على الموقع )
امكانية التعديل و الحذف و الاضافه على الموقع الي راح تحصل عليه يعني هذا الموقع مو مثل المواقع البقيه الي بيه امكانية الرفع مثل الرابد شير و الميكا ابلود وغيرها المجانيه ام البلاش طبعا وان شاء الله راح نشوف بالصور .
بس اكو عيب واحد بالموقع هوه يجب ان يكون حجم البرنامج او الملف المرفوع مو اكثر من 50 ميكا بايت يعني اذا كان الملف او البرنامج حجمه 60 ميكا مثلا لازم انقسم البرنامج الى جزئين و نرفع كل واحد على حده وهاي سهله ان شاء الله اشرح طريقة تقسيم الملفات باستخدام برنامج الوين رار لضغط الملفات و الي الكل يعرفه .
طريقة التسجيل :- الطريقه كلش سهله ليش ادوخكم خلي نشوف الصور مو احسن من الحجي ؟
http://img167.imageshack.us/img167/7809/1jk7.jpg
اضغط على Signing Up الي موجوده جوه لوكن و باسوورد و الي بيه مربع احمر .
http://img169.imageshack.us/img169/1589/2mh1.jpg
اختار مثل ما بالصوره
http://img167.imageshack.us/img167/2345/3gi5.jpg
هاي هيه خلصت صار عندك موقع حجمه 1 كيكا بايت ب3 خطوات شوفه شلونه الموقع مو يخبل
هسه نجي عله شلون راح نرفع الملفات الى الموقع و هاي هم كلش سهله شوفو الصوره احسن :-
http://img245.imageshack.us/img245/51/3sa5.jpg
دوس او اضغط على Brows و اختار الملف الي تريد ترفعه للموقع .
دوس على Upload حته ترفع الملف الى الموقع .
اذا تريد ترفع اكثر من ملف بنفس الوقت روح على More و اختار اكثر من ملف او برنامج لرفعه بنفس الوقت .
الواجه للموقع وطريقة التحكم بالملفات كلش سهله يعني اعتقد ماكو داعي اشرحه لان هيه مثل واجهة بعض البرامج مثل الورد او غيرها بس اي سوال اني بالخدمه ان شاء الله .
صارت ساعه اربعه الصبح و وراي شغل ساعه 10 تصبحون على خير .
اخوكم عراقي78