منتديات أنا شيعـي العالمية

للمهــــــد جيته ** تالـــي ملكيته
الأبني وحبيبي ** من در حليبي
***********
أبني عبد الله ثمــــــر عمري وسلوتي
الأجله جنت أسهــر ومحلاها سهرتي
مــــــره أناغيلــــــه ويناغيلي ثمرتي
ومــــــره ألوليله وينام أبني ومهجتي
حتى من يغفه ** نوره ما يطفه
ويتغذه طيبي ** من در حليبي
***********
من ألوليله وأهــــــــــزّه بوسط مهده
يغفه أبني وأنـــــــــه أنام وكلبي يهده
أحلم بنومي وأشوفـــه بحضني ورده
ومن أفــز أنظر وأشوف النجم سعده
جان كـل حلمي ** يصيح يا أمي
ويداري شيبي ** من در حليبي
*********
من أحطه بحضن أبـو السجاد شمعه
يضوي بأحضانه وأسمعه يكوم ينعه
أسأله يـــــا أبـــــــو الأكبر ليش تنعه
يـــــــرد عليّه مصيبته الكلبي تفجعه
ما بين أيــــديه ** يـلاكي المنيه
وزيّد نحيبي ** من در حليبي
***********
لكربلـــه مشيت ويضعني وكلبي حاير
وشفت بيها نـــــــاس معدومه الضماير
أنظر العبــــــــــد الله أبني وجهه زاهر
وسمعت صوت أبـــو اليمه يريد ناصر
من سمعت صوته ** تـيـقـنـت موته
وشاجـــــر لهيبي ** مــن در حليبي
**********
مـن وصل عاشر محرّم أبني ضامي
بيدي وديته الأبـــــــــو الأكبر إمامي
كلت يشرب مـــــاي محبوبي وغرامي
ردّه مصيوب بسهم والنحــــــر دامي
حرمله صابــه ** بسهــم نشّابه
وعجّل مشيبي ** من در حليبي
***********
مــــن رجع بي أبو اليمه كلبه يلهب
ناده يــــا زينب تعالي ودمعه ينصب
هذا أبني مـــــــن دمه نحره تخضّب
خاف لا أمّـــــه تشوفه وتضل تنحب
تصوّب بنحره ** وأنتهـى عمره
بيــد الصليبي ** من در حليبي
**********
يــــــا إلاهي بأبـــــو السجاد وغربته
وبالرضيع أبني وعزيـــزي وبمهجته
فـــــــــــرّج الأبن الحسن قرّب طلعته
الشيعه مهمومـــــه وتتاني بلهفه جيته
بأبني وهمـومه ** قــــرّبه اليومه
عنــده نصيبي ** من در حليبي

الشاعر
خادم الحسين (ع)
قاسم حتروش البلداوي
خادمكم
أسألكم الدعاء