منتديات أنا شيعـي العالمية - من سافرت ** بعدك حرت

من سافرت ** بعدك حــرت
ما ضل أمل ** وحدي عشت
وما جتني منكم أخبار يا بويه من عفتوني
*********
من يــوم ضعنك راح عنّي وسافر
عشت بحزن أيامــــــي لمّن هاجر
يا بويه ريت تشــــوف حالي تغيّر
زاد الألـــم ** حيلي أنهدم
بعــدك بقه ** عمري عدم
ولو أهلي ردّوْ للدار ما ظنهم يعرفوني
********
بالدار إلي ويّاكـــــم شجم ذكرى
يحن إلها كلبي ونار بي مستعره
وأمشي لغرفكـــم بيها أخذ نظره
بيها أنفجع ** يجري الدمع
بعد الأهـــل ** هــذا الوضع
صبح ومسه أبجي وأون لفراكم يعيوني
**********
ويهدومكم أكضي وكــت وتسلّه
وبيها أشم ريح الوفه مــــــا ملّه
كل ثوب أنشده يمته ترجع أهله
الوقت السحر ** أبقه بسهر
وأبجي وأون ** مــارد خبر
عالحال هذا بكل يوم ومورمات جفوني
********
علتي جبيره وزادت بعــــدك علتي
وحالي صفـــــــه بغيابكم بس ونتي
وصوت الأسمعه يكول إلمن عشتي
أهلج بعــــد ** لا مـا ترد
خلصَوْ جتل ** كــل الولد
والنسوه منهم للشام راحَوْ سبي وهضموني
*******
حسره بقـــــــت شوفتكم وملكاكم
ودمعي جـــــره لغيبتكم وفركاكم
عالباب ضليــــــــت شكثر أتناكم
حسره بقت ** طول الوقت
اللم الشمـل ** أنـي شتقت
لاكن مجاني المرسال يا خذني لا وداني
*********
أيّست من ضعن المشه ومـا جاني
مــــــــن سمعت ناعي المنيه لفاني
ينعه بعمامي وكــــل هلي وخوّاني
ينعه الأهــل ** لمّــن وصل
صوته ذبح ** عندي الأمل
تمنيت بيهذا الصوت كبل الأهل ينعوني
********
أسأل الغايب هل مسه مـــن عدنه
يا يوم يـــــــــا ساعة يرّجع حكنه
ترجّه الإله وكـــوم أجلي المحنه
من الضدتك ** عن شيعتك
اجلي الألــم ** وبشيمتـــك
عنهم أندبك هل يوم ابّابي إجَوْ حشموني

الشاعر
خادم الحسين (ع)
قاسم حتروش البلداوي
خادمكم
أسألكم الدعاء