منتديات أنا شيعـي العالمية - شفنه لهلال يمحجوب يمحجوب

شفنه الهــــلال ** يمحجوب يمحجـوب
وعشنه يا حال ** يمحجوب يمحجـوب
كلبك ولينه **** الله يعينه
********
شفنه لهلال الحزن هــــــل بسمانه
محمّل هموم وكــــدر عالن أحزانه
يــــــوم شفنه صورته أتجدد عزانه
شلون ننسه أبـــــــو أليمه لما نسانه
أحلــه تصريح ** يمحجوب يمحجـوب
شيعتي يصيح ** يمحجوب يمحجـوب
لجله نعينه **** الله يعينه
**********
أحنه مـــــا نعلم ونعرف كل الأخبار
وأنت يـــا مولاي تعلم بالجره وصار
كلوبنه لــــــو هـــل محرم تستعر نار
شلون صابــــر يبو صالح أعلن الثار
كـوم لعــــــداك ** يمحجوب يمحجـوب
كــلــنــه ويّـاك ** يمحجوب يمحجـوب
كوم أحدي بينه **** الله يعينه
********
أحنه بعض اللي جره بالطف عرفنه
ولـو وصلنه ليوم عشره يجري دمنه
وأنت تعلم بــــــــالحقايق يـــــا أملنه
شعجب مـا تنهض وتنهي لما رحمنه
شكد من هموم ** يمحجوب يمحجـوب
تحمــــل اليوم ** يمحجوب يمحجـوب
وتحن علينه **** الله يعينه
*******
لجدّك نبـــــــــدّل الرايه برايه سوده
وأنت عندك كل علومه وكل عهوده
ونعلم بعمّــــــك تصوّب طاح جوده
وأنت تعلــــــــم سيدي بقيمة جهوده
ضحّـــه الجفوف ** يمحجوب يمحجـوب
وهامه مخسوف ** يمحجوب يمحجـوب
وصوبوله عينه **** الله يعينه
********
نعلم بعمتـــك الحـــــــــــره الهاشميه
جَــتِّــفَـــوْ ايـــديـــــها وخــذوها سبيه
شصار بيهـــا وشجــره بذيــج المسيه
أنت أعــــلـــــم يبو الغيــــره بالقضيه
تجري الدموع ** يمحجوب يمحجـوب
بكلب مفجـوع ** يمحجوب يمحجـوب
وحيده وحزينه **** الله يعينه
*******
رايته لجــــدّك تــــرف يالمهدي حمره
يعني يــــــــا مولاي لقـــــدومك تنطره
أستأذن الباري وأخذ مـــــن عنده أمره
وزيل هــــم جدّك يغالي وأشفي صدره
صدره مهشوم ** يمحجوب يمحجـوب
داستــه الكـوم ** يمحجوب يمحجـوب
انصاب بجبينه **** الله يعينه
********
يــــا إلاهي برحـمتـك فـــرّج علينه
مـــــــن تعجّله الفرج عــزنه اوّلينه
طـــــــوّل غيابه علينه ويـدري بينه
بعــــد جم جمعه نعـــــد حتى يجينه
تـــــاه الحساب ** يمحجوب يمحجـوب
والكــــلب ذاب ** يمحجوب يمحجـوب
بعده أنسبينه **** الله يعينه

الشاعر
خادم الحسين (ع)
قاسم حتروش البلداوي
خادمكم
أسألكم الدعاء