السلام عليكم اخواني اخواتي اعضاء وزوار المنتدى الكريم
ورحمة الله وبركاته
الى سيدي صاحب راية الثأر الحسيني
***********
هذا يوم الموزمه يالمنتظر ........ هذا يومك يا شبل فارس مضر
**********
هذا يومك يا شبل عقد الوله ........ اظهر واطلب الثار الكربله
اظهر وخل يرد كل حگ الهله ........ وخل ترف بيمينك اعلام الظفر
***********
هذا يوم البيه تظهر رايتك ........ تظهر اترفرف يمهدي اعله امتك
وسيفك اينادي ويبشّر شيعتك ........ هذا يوم الوعد الكلمّن كفر
***********
يمته يا فخر الهواشم يا شهم ........ تنتفض للثار وتشد العزم
يمته من اعداك تظهر تنتقم ........ بسيفك ولا يبقه منهم كل اثر
***********
يمته صوت الثار يالمهدي يصيح ........ يمته لسّه احسين دمه ايند ذبيح
والرضيع امن النحردمه يسيح ........ ولسّه مصيوبه ابسهم عين الگمر
************
بگت لسّه اتصيح زينب بالخيم ........ وين راعي المرجله وراعي العلم
ما درت عالمشرعه راعي العلم ........ مگطّع الچفين مرمي اعله النهر
************
يلي سيفك زهر موت اعله الكفر ........ يمته تظهر ترف رايات الخضر
يمته ليل اغيابك ايطرّله فجر ........ وتتضح شمس الحقيقه للبشر
*************
ناده كل مظلوم يالمهدي العجل ........ اظهر وشاهد يبن خير العمل
چم يزيد اعلينه يحكم بالدجل ........ وچم حكم ظالم يمهدي اعلينه مرّ
*************
عيونه الشخصك بگت تربي ابلوع ........ وتصب لجل اظهورك ادموم ودموع
عيون ما نامت عله الذل والخضوع ........ وشابحه الدربك يغايب تنتظر
***********
******
**
لخادم المهدي ..... هاني الحلي

والتوفيق للجميع