منتديات أنا شيعـي العالمية - نبراس الإباء (علي الأكبر) ..

نبراس الإباء
ــــــــــــــــــــــــــــــــــــــــــ
الشاعر جعفر ملا عبد علي المندلاوي
13/10/ 2015م/ 1محرم1437هـ

يا فرع نور الامامة == يا بدر ليلة تمامه
يا شفيع الشيعة في دار المقامة

** 1 **يا علي الأكبر ونبراس الإباء = يا شبيه المصطفى والانبياء
يا ڰمر ثاني ويا نبع الوفاء = وأنت من مجد الشرف ذروة سنامه

** 2 **
أنت من هاشم رمز للمكرمات = وأنت من بيت الهدى ألغُّر الأباة
يلي ماثلت النبي بأكمل صفات= خلق وأخلاق ونفس منطق كلامه

** 3 **
يا عليّ وچم عليّ مثلك بالوجود = مستحيل الدنيا مثلك هم تجود
وانت يل جدك عليّ أكرم جدود = وأنت بالميدان چن بيدك حُسامه

** 4 **
من عليّ الكرار وارث صولته = من البطل حمـزة ماخذ نجدته
وأنت من حسين روحه ومهجته = وصرت للإيثار والنجدة علامه

** 5 **
مثل حيدر بالمعارك ظل يصول = جبل ثابت بالحرايب ما يزول
من دم الأعداء سيفه ظل هطول=بصبره حّطم مُلْك أُمية وهدّ نظامه

** 6 **
بطل ضرغام ونزل بارض الطفوف=ما تهمه جموعهم رغم الالوف
سيفه بيده ويسقي أعداءه الحتوف=رِفع سيفة والفضاأطبق ظلامه

** 7 **
جندل الأبطال فّـــرّق بالجموع = سيفه يُقطر من دماء أهل الخنوع
وچبده صاير جمرة ما يقبل رجوع= من يفر السيف ما تنشال هامه

** 8 **
إجه يم حسين يطلب قطره ماي = گله بيها اتقوه زايد على إعداي
فدوةالك يبني يبعد اهلي وضناي=الماي من كوثرعليّ بيوم القيامة

** 9 **
رَدْ على الأعداء انصار الدعّي = گال من حسين آني ومن علي
واحنه بيت الله أولى بالنبي = خَرَّس ألأصوات من نادى بكلامه

** 10 **
يا ألف وسفه على فخر الشباب = يا حسافة البدر طايح عالتراب
چنت نسخة حيدرةبيوم الضراب=ومثل حمزةبوگفته وجدّه وعمامه

** 11 **
وبعد ساعة من الدمة أفطر صيامه = مِقطع ومخضوب بدموم الكرامه
والحشا ضامي ومايبرد ضرامه=ولحگته الآنصاروجموع النشامى

** 12 **
راح أبو السجاد يركض من بعيد=نزل للحومة وشبگ جسم الشهيد
شاف جسمه موذر بحد الحديد = وشال من دمه وشكى لله الظلامه

** 13 **
يا آلهي إن چان في هذا رضاك = خذ دمانا والصبر حتى لقاك
استقبله المختار وگله يا هَناك = واروى چبده بكاس معطر ختامه

** 14 **
واليحبك يا عليّ لابد يفــوز = الشفاعة انحصل وعبرة نجوز
وبيك يالأكبرعلى الكوثر نحوز = وأنت حبك عليّ منجاة وسلامه

*****