في ذكرى استشهاد اية الله المجاهد محمد باقر الحكيم . قدس سره الشريف .
 

في ذكرى استشهاد, اية الله المجاهد السيد محمد باقر الحكيم قدس سره الشريف
عباس طريم


وساده
___

جدك من رقى العالم وساده ... وخلف بالارض يمه وساده
الارض لجله انطوت صارت وساده ... وكالتله هني اتوسد عليه
____



رحل نجم اليوم من ال الحكيم
بالكرم والطيب والعز
انعرف
+
اهله اهل الدين احفاد الرسول
ناسنه اتسميهم باهل
الشرف
+
اهله سادتنه الاجلاء الكرام
من اجلهم دمع كل حر
ما نشف
+
بيهم الحق انعرف للعالمين
والدجل والزيف والكذب
انكشف
+
بابهم مفتوح مشرع للضيوف
وصيتهم بين العرب
ما ينوصف
+
راح سيد محمد لرب كريم
وكلهه صاحت هالعرب
ياللاسف
+
رحل يم جده النبي وعترة البيت
وبجه لفقده النخل والمي
والسعف
+
ضحه من اجل الشعب ابن الحكيم
ولنزال الظالم وربعه
هتف
+
وخله زلم البعث ترجف من صحيح
من رفع جف الجهاد وبي
هتف
+
سار بدروب النضال ابكل حماس
وابطريق الخطر ما يوم ن
وكف
+
واشرقت دنيانه من طاح الزنيم
وانتخت فرسان صف يدفع
ابصف
+
الدفع عن الشعب , ظل مثل الهلال
واللي اذه الشعب وي ربعه
انجرف
+
راح صدام الظلم شعب العراق
دون رجعه وانغلق ذاك
الملف
+
استشهد محمد الباقر بالعراق
من وصل يم جده حيدر
بالنجف
+
رجل يشهدله الوغى يوم الجهاد
اسد بالهيجاء ما يوم - ن
ضعف
+
صادف اصنوف الخطر وسط الحياة
ما تراجع لو عدل لو
رمشه رف
+
صال وي اجنوده واتحده الطغاة
ابد ما هاب المدافع
والقصف
+
عاش سيدنه الابي رافع الهام
وحقق ابصبره وتفانيه
الهدف
+
بالشرع ما مات اليخلف اباة
وما سمعنه عن نهر في يوم
جف
+
وذوله احنه احبابهم في كل ارض
ابد ما بينه التخاذل
وانحرف
+
اتشرفوا بالنبي احفاد الحكيم
ساده وبحبل النبي
الهم طرف