منتديات أنا شيعـي العالمية

منتديات أنا شيعـي العالمية (https://www.shiaali.net/vb/index.php)
-   المنتدى الثقافي (https://www.shiaali.net/vb/forumdisplay.php?f=37)
-   -   قصيدة / عْله امّ الحسن ننعه وْنِواسيك (https://www.shiaali.net/vb/showthread.php?t=199830)

الشاعر سعيد الفتلاوي 03-03-2015 09:57 PM

قصيدة / عْله امّ الحسن ننعه وْنِواسيك
 
قصيدة / عْله امّ الحسن ننعه وْنِواسيك
.................................................. ....
.................................................. ....



عْله امّ الحسن ننعه وْنِواسيك

الله اليِعِينك يالوصي بْهاي الفجيعه – مْصاب الشهيده الطاهره الزهره الشفيعه

عْله امّ الحسن ننعه وْنِواسيك

...................

صِبَرت عْله الجره مْن اجرام باطهر دار – الرموها الدارك بْنيران گوم العار
وْسكوتك چان لجل الدين لا ينهار – انخمد سيفك يبو الحسنين عالاشرار

تِصبر نبينه الهادي وصّاك – وشْما تِسَوّي اعداك ويّاك
بْدارك تدور الدايره هناك – اَمر الرسول المصطفى وْ واجب تطيعه
.........

بعد فگد النبي المختار جافوها – محن اشكال للزهراء راووها
ظلم ماينوصف ظلّام لوعوها – جفوها وْبالحزن والآه عيشوها

عْلْه امّ الحسن دارت مصايب – كسرو ضلعها بْهالنوايب
ماتت قهر من هالطلايب – ماتت عمرها ثْمنطعش بالهم صريعه
.........

فتاويهم بدع واتخالف الاسلام – بدوها بالسقيفه وْشرّعو احكام
الفدك بعد الخلافه غْتصبَو الظلّام – شِيوخ الغدره هالانذال موش ازلام

يخسه اليدافع عن فعلهم – خصمه نبينه اللي يودهم
بْيوم الحشر ربنه اليذلهم – همّه السبب بالصار بالحرّه الوديعه
.........

المصاب اللي جره عْله امّ الحسن نكروه – حرِگ للباب ماصار وْفلا يْذكروه
حقد عالطاهره بْتاريخهم ذكروه – بغضن بيك يالكرار حقها اخفوه

مكر وْچذب هاي الروايه – الهاي الناس مكشوفه النوايه
النكرو حقوق اهل الولايه – وْتبْعو شِيوخ العار والشر والخديعه
.........

مُصاب الطاهره للموت ما ننساه – عزانه للابد سرمد يظل ذكراه
المجالس دايمه وْطول الزمن ننعاه – فلا ننسه الجره يا بوالحسن والله

نقسم الك نفضح هَلَانذال – لا مو بشر لا چنهم ارجال
زمرة غدر تلعنها لَجْيال – وِشْعملو مْن اجرام للعالم نِذِيعه



.........................................
.........................................

خادم اهل البيت ( ع )
الشاعر الحسيني
سعيد الفتلاوي الطويرجاوي

ام هاني 03-03-2015 10:06 PM

أحسنت في ميزان حسناتك عظم الله لكم الاجر

الشاعر سعيد الفتلاوي 08-03-2015 09:49 PM

احسن الله اليك اختاه وفقك الله


الشبكة: أحد مواقع المجموعة الشيعية للإعلام

الساعة الآن: 04:53 PM.

بحسب توقيت النجف الأشرف

Powered by vBulletin 3.8.14 by DRC © 2000 - 2025