منتديات أنا شيعـي العالمية - قصيدة / يالگبرچ مچانه بْعيد

قصيدة / يالگبرچ مچانه بْعيد
...........................................
..............................

.
.
.
يبت خير البشر سيْدِ الانِس والجان
وْ يبت خير النساء وْ درّةِ الاكوان
.
بْلاد الغربه يالگبرچ مچانه بْعيد
نجي الگبرچ نِطوفه وْنهجرِ الاوطان
.
فداچ الروح معصومه وْ الچ خدّام
الهمومه اثگال ويْزورچ يِرِد فرحان
.
نعم كلمن يزورچ فاز بالطيبات
كراماتچ چثيره وْتشهد الازمان
.
يبضعة موسى ابن جعفر امام الخير
ابن حيدر ولينه وْمفخرة عدنان
.
زكيّه انتي وْ كريمه وْ باب للحاجات
ذخر النه وْرمز يخْتِ الرضا السلطان
.
زِهَت قمّ بضريحچ بي سماها تْنور
وْصفت حوزة عِلِمها منهلِ ِالايمان
.
سلام الله عْله روحچ بت وليّ الدين
الچ تسعه البشر من ابعدِ البلدان
.
لان اسمچ علم ربنه الذي علّاه
تجي تْزورچ يحرّه وْتنذرِ القربان
.
ال اله الكون باسمچ ترتجي وْتدعيه
ابد صعبات ما تبقه وْ خبرها بْكان
.
.
.
.........................................
..............................

خادم اهل البيت ( ع )
الشاعر الحسيني
سعيد الفتلاوي الطويرجاوي