المصطفى راحل
 

المصطفى راحل ياشيعه
راحل طه غرب والدمــــــــع بالعين
مانلكه مثيـــــــــــــلك احنه نلكه منين
انته الدين ياقائدنه انـــــــــــــته الدين
نظل نبجي المصابك احنه والله سنين
غيبتك والله فجيعه*المصطفى راحل يشيعه
راحل والرحيل يخلف الحســـــره
مولوعه مـــــــصابك بلكلب جمره
يعين المرتضى والله شعظم صبره
صفه محنى المصابك سيدي ظهره
تنوح لمصابه الشفيعه*المصطفى راحل يشيعه
ظلمو حيدر الكرار بغــــــــــــيابك
وشعلو نارهم ياسيــــــــــــدي ابابك
وحرمو حيدره يكـــــــــعد بمحرابك
والمحــــــــسن صريع بلوعة بعتابك
اه ياحال الوديعه*المصطفى راحل يشيعه




ياضلع الزجيه ويا مــــصاب الباب
عصروها الوديعه زمرة الاصحاب
مواصحاب ذوله بكل وكت انصاب
وضلع ام الحسن ينزف دمه ومنعاب
هشموضلع الشريعه*المصطفى راحل يشيعه
موايام اون عليك انه ســــــــــــــــنين
وردت تفزع يبويه تشوف حال حسين
وتنظر للـــــــــــــــشريعه وتنظر جفين
وياسهم المــــــــــــثلث صاب لب الدين
والنهج لامانبيعه* المصطفى راحل يشيعه
عفتنه وفاركتنه وبلكــــــــــــــلب نيران
وصفينه بدون شخصك بس الم واحزان
بركان الحزن طك عالنبــــــــــي البركان
والك ياســـــــــــــيدي يبقى الالم عنوان
غيبتك صارت فضيعه- المصطفى راحل يشيعه

خادم الحسين – عدنان منعم