منتديات أنا شيعـي العالمية - قصيدة / نوصل زحف لحسين بالاربعينيّه

قصيدة / نوصل زحف لحسين بالاربعينيّه
.......................................
............................
.
.
.
فنّه اليلاوينه
.
نوصل زحف لحسين بالاربعينيّه
نتحدّه جينه اليوم نار الوهابيّه
.
وْفنّه اليلاوينه
.
.
.......................................
.
للنبي وْحيدرعلي وْامّه البتول الطاهره – مْعاهديهم للابد ننعه الشهيد وْمنحره
وْنلعَنِ الباغي الدعي وابن الدعي والفاجره – صرختنه تدوي الكون صرخه حسينيّه
.
وْفنّه اليلاوينه
.
.........

ماتهمنه كل مكيده من خوارج هالعصر – احنه من والينه ابو اليمّه تِعَلّمنه الصبر
الگبره نتعنّه وْنجي افواج نفديله العمر – انصار اله وْخدّام احنه وْ فدائيّه
.
وْفنّه اليلاوينه
.
.........
.
خلها تِسمعنه النواصب والبغاة اهل البدع – كربله والمَر عليها الكون وافلاكه نْفجع
وْكل جنان الباري والحور وْمَلَك بيها نْفزع – ثورة اَبو الاحرار ثوره مصيريّه
.
وْفنّه اليلاوينه
.
.........
.
كل سنه وْ ْنفس الزمن هاي المسيره الكربله – لا مسيره وْلا زحف شابه زحفنه وْ ماثله
ارهاب اشرار البريّه وْ هالظلم من يحمله – اجيال بعد اجيال نهتف فدائيّه
.
وْفنّه اليلاوينه
.
.........
.
الداعشيه الناصبيه ما تصد هذا الحشد – بْهيبه تمشي الزائرين وْما تهاب اهل الحقد
حسين درب الجنّه دربه وْتهتف بْاسمه وْترد - امبايعين حسين بيعه ولائيّه
وْفنّه اليلاوينه

.
.
.
............................................
............................................

خادم اهل البيت ( ع )
الشاعر الحسيني
سعيد الفتلاوي الطويرجاوي