منتديات أنا شيعـي العالمية - رقيه عليها السلام

رقيه واليتامه)@@

************************************

هظيمه طفله مسبيه هظيمه **يتيمه هاي البنيه يتيمه

عله هذا الحال **والترحال **يتامانه

**********************

سرور الدار والدنيه بصباحــــــه **فرح بقدومه وآلآم برواحـــــه

ألأخص اطفالنه ويا تشعر الراحه** للمهموم كلامه يطّيب اجراحه

شوسع گلبه ابو اليمه وحنانه

ابليله ويوم صفه خالي مكانه

بعد الروح **صفه مذبوح **أمانه

*********************

اعاني فراگه كل لحظه يسالوني **يعمَّه وين ابونه حسين حيروني

جمر يجري دمع عيني يخلونــي **اگول الغايب ايرد مايعذرونــــي

اشو طوَّل علينه غيابه ياعمَّه

مانگدر عله فراگه لبواليمـــه

غيابه ابعيد**جيته العيد** لينسانه

**********************

وصلنه الشام بعد الظيم وآلآمه **وعله النسوان وايتامي علامه

درب اطويل شمس أوحر ندامه **طعنِّي دهري بهمومه وسهامه

شمس تحرك سگف ماكو يغطينه

دموع اتصيح ݘاوينه اليحامينـــــه

بعد هالصار **خرابه الدار **خلانه

**********************

نسكته اليبݘي من الخوف بالگوّه**يسير ودمعته صارت اله سلوّه

لأن السوط مابي رحمـــه ومروّه**ولونه گوم لاغيره ولا نخـــــوّه

رقيه تگعد وتصرخ اريــــــــــده

يعمَّه هسَّه ݘنت أغفه أعله أيده

ابويه وين **حبيبي حسين **ماجانه

**********************

ابحلم شافت يجي الها يرضِّيها **يلمها ابحضنه وينشِّف بواجيهـا

وعلى صدره يلاعبهه ويحاجيها**يناشدها بحلمها اشبيها مابيهــا

تريده يمها مشتاگه تشوفه

حلم ماطوَّل أولنها تعوفـــه

دمعها دم **ون أوهم**ولهانــــــه

********************

كل دمعه تمرمر كَلبي يرقيـَّه**شگلها حسين مرمي أعله الوطيّه

سمعها تبݘي گال أشبيها لبنيّه **ودُوا الراس ألها وتسكت شويــَّه

جابوه بالطشت وجها يشع بالنــــور

شبگت راس ابوها أودمها گام ايفور

گظت بنته**على طشته**الحلمانه

********************

ثلاث ورود من نحسب عمرها اليوم**گلبها ازغيّرمايحمل جبل لهمـوم

تعاينه التغسلها الظهرمالــــــــــــــوم**علامات السياط تصيح يامظلوم

ݘن الروح منها اتصيح هذا آنه

بعد حسين ابوي الظيم لاگانـــــه

بأرض الشام**دفنَه ايتام**حيرانه

****************