منتديات أنا شيعـي العالمية - ابو ذيّات لمصاب الامام الحسين ( ع )

ابو ذيّات لمصاب الامام الحسين ( ع )
............................................
...............................

شعار الشيعه من تنعاه للثار

عهد والله ما ننساه للثار

الدعي الذَبّح بني المختار والثار

جنون الباغي ابن هند الدعيّه

.........

نٍواسي اليوم ابو صالح وساده

وْ رفعنه اعلام بِاسمه وساده

عله الما رِكَد جسمه بْوساده

وِذر خَلّوه يوم الغاضريه

.........

اريد انصب على المذبوح ماتم

اسف عمرك حبيب الروح ماتم

اشوفه للبدر يحسين ماتم

سمه وْافلاك تنعه وْ يالبريه

.............

شعارات الحزن ننصب ولاَعلام

بمساجدنه ومواكبنه ولاِعلام

وشيعه اليوم حزنانه ولَاعلام

عزانه اليوم للزهره الزچيه

............

عزه بْهاليوم بالدنيه عله امره

النعه المذبوح يم ربنه عِله امره

نظل للدوم ويّاه وْ عله امره

عليه انوح كل صبح وْمسيّه

..........

يبو اليمّه صرت للدين مِنبر

النعه مْصابك فِلَح ما خاب مَن بَر

شفيعه انت وْذنب ما عنده مِنْبر

بحماك تْلوذ كلها الجعفريه

.....................................
.......................

خادم اهل البيت ( ع )
الشاعر الحسيني
سعيد الفتلاوي الطويرجاوي