منتديات أنا شيعـي العالمية

صحت وينـــــــــك // يغالي أمتاني يمناك
السُبل ضاكت عليّه // رايــــــــــد ويـــاك
تعال وفرِّج الظلمه
زيح من الكلب همَّه
***************
الكبلي انتظر وطواها الهمومه // وعينه الباجر أمناطره ويومه
شيعة علي مظلومه محرومــه // ليل بلا كمر غابت نجومــه
الوعد يمتــــه ** وتكر أيام حلمي
ولن أبلحظه ** أشوفك أنت يمّي
عمري الفرحه متلمه
****************
ياصاحبه الكلبي النظر تانيــــــك// وروحي تهيم ودِّور أراضيك
حضر يمّي وجودك ويَّه ماضيك// تسألبني وتكلـي شبيك مابيك
تفـــز عيني ** وجودك حسّته الروح
ومن كلبــي ** تداوي كل لـــــجروح
شتعبّرعنَّه ياكلمه
************
أمامي ياأمامي بعيد وعدك // لو باجر يغالي يصير عهدك
أنت الاعرف بكلمن يضدّك // وياهو الينتظر ومتانـي ودّك
أملنه بيــــــــــــك** ونتانيك لسنين
مثل شوك وصبر** ثارات لحسين
وألم ضلع الزجيّه أمّه
************
شكينه والصبر زاعل أيامه // ذبحوا الامل ذبحوا أحلامـــه
علينه حرِّموا حتّــه أبتسامه // لأنّه بشوك لظهور العلامه
مُـر بينـــــه ** يغالي وعاين الحال
يظـل الفرح ** عدنه مثل رحّــــال
الغايه انت الاسمه
**************
بنت أعدانه من أحقادها صروح // وتحب أتشوف كل موالي مذوح
آفــه تعيش ويّـانـــــه عالجروح // تفرح للدمـــع تبتســـــــــم للنوح
الصبر مانمل منَّه ** بأنتظـــارك
يدك جف الرجه ** بيبان دارك
ترسم عالوجه بسمه
زيح من الكلب همّه

*************************