منتديات أنا شيعـي العالمية - وين الماي أريدنّه

((صوت عبد الله الرضيع))

********************

وين الماي أريدنّــــه **ريگي يابس وعطشان

الضِّمه لشفافي فسّرها**بغصانه الورد ذبـلان

ياكّلب الاگصده** بوجهي الباب سدًه

********************

صرت أتوسّد گماطــي**وخنگ فحطة شفافـــي

أصبّر گلبي مايهـــــــده**اخاف أمي درت كافي

بسّك ياعطش ويـّـــاي **أطلب منك أنصافــــي

أخلِّي لوجتي أبروحي **أدري بيك متوافـــــــي

راح ابقه بدمعتي

ماأعرف فرحتي

زماني أشبيه وشعنده** بوجهي الباب سدًه

***************

نشد عن حالتي ظيمي **جاوب حالي عن حاله

يلوع من الظمه والجوع**وغصنه ضيًع خيالـه

ياظيــــــــم سمعت مهده**يناغي يلولي ولحالـه

يحݘي ويّه لوســــــــاده**أعذره گاطع وصالـه

وگماطي بݘت عينه

ينشد عنّي ݘاوينــــه

بعد هم ألـــــــــه ردّه ** بوجهي الباب سدًه

******************

ورودي ذبلن بغصني **خريف الموت منسانــي

وحضن شابگني بآماله** مايدري شنو أمتانــــــي

يغذّينـــــي حنين الروح** تالي السهم غذًانــــــــي

رماني وطعن ذاك الود **ظنًه رباب تنسانــــــــي

روح وگلب يمًـــي

صارت عين تهمي

دمع شابگه الخدّه** بوجهي الباب سًده

********************

حملني بصدره وݘفوفه**وبأنفاسه شابگنـــــي

اعرف مايظن أرجــــع**لاأن الموت لاحگني

وآنه أبّين أيــــــده لثنين**أحس بألم يحرگنــي

احتار شلون يدرگني** وفيض الدمه غرّگنـي

شبگني ورجع بيّه

الصدر امي هديَّه

بقه منطعن ݘبده ** بوجهي الباب سدّه

*****************

الحنان شحاله هــذا اليوم **يواسيها اعله أبنهـــــــــا

أحس روح وگلب ممرود**من يوصف حزنهـــــــــا

الورده التنگطع تذبــــــــل**وشيردها الغصنهـــــــــا

سهرانه أعلـــه مهدي أتوّن**أو يوّن نحري عله ونها

راح يطول ليلݘ

لوليلي بدموعݘ

يومي هذا حًده ** بوجهي الباب سدًه

*****************