|
ابو ذيّات لمصاب الامام علي ( ع )
ابو ذيّات لمصاب الامام علي ( ع ) .......................................... .......................................... لعين الشر عليه لعنه ومن شار – النجس ساسه ابد ميجوز من شار تمنيت آنه احز راسه بمنشار – رجس اصله وْنذل ابن الرديه ................ نواسي اليوم ابو صالح وساده – ورفعنه اعلام املونه وساده على المارَكِدو راسه بْوساده - وفده عمره لجل دينه هديه ................ نواعي ونوح لمصابك علِينه – فجيعه وكارثه نزلت عَلينه يبو الحسنين بيك احنه علينه – امام الخير يا والي الرعيه ................ اريد انصب على المغدور ماتم – سبب جرحه عُمُر مولاي ماتم اشوفه للبدر كرار ماتم – سمه وافلاك تنعاه والبريه ................ يصادف جرحك الليله وياحيف – مِن مْصابك لفانه الضيم ياحيف نصيح اليوم وي ناعيك ياحيف – نظل ننعاك ياحامي الحميه ................ شعارات الحزن ننصب ولاَعلام - بمساجدنه ومواكبنه ولاِعلام وشيعه اليوم حزنانه ولَاعلام – عزانه اليوم للزهره الزچيه ................................ ................................ خادم اهل البيت عليهم السلام الشاعر الحسيني سعيدالفتلاوي الطويرجاوي |
| الشبكة: أحد مواقع المجموعة الشيعية للإعلام الساعة الآن: 03:45 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025