|
قصيدة / هاي ولدك يا علي
قصيدة / هاي ولدك يا علي ................................... ...................... هاي ولدك يا علي تْزلزل جْبال وْ تِهِدها جيش داعش مايِصدها هاي ولدك يا علي .............. والنعم منهم زلمنه - شامخ بْظلهم وطنه عالي دوم يْرف علمنه - رجال وفّايه الوطنها هاي ولدك يا علي .............. كل فتن لا ما تهمهم – والمحن تشهد فعلهم كل شدايد ما تهزهم – سْباع للكلفه اهلها هاي ولدك يا علي .............. لبّو الامر المراجع – الغايه مو مال وْ منافع رْجال عن حقها تدافع – هبّت وْ فنّه اليردها هاي ولدك يا علي .............. تهتف رْجال العقيده – دين داعش ما نريده الحدنه يوصل نگطع ايده – قوّه عدنه الما مثلها هاي ولدك يا علي .............. لْيوث حمّاي الحميّه – صيتهم عمّ البريّه ضحّو الاعظم قضيّه – تْقاتل الوحدة بلدها هاي ولدك يا علي ............................................ ............................... خادم اهل البيت ( ع ) الشاعر الحسيني سعيد الفتلاوي الطويرجاوي |
| الشبكة: أحد مواقع المجموعة الشيعية للإعلام الساعة الآن: 09:21 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025