منتديات أنا شيعـي العالمية - قصيدة نادينه يا رسول الله

( نادينه يارسول الله) @@

============

نادينه **يارسول الله**هادينه**يارسول الله

يلي بيك احنه اقتدينه**ضاگت الدنيه علينه**نادينه/ يارسول الله

************************

ردت اّل اميه اليوم **بالارهاب تاذينـــــــــــه

الليالي يارسول الله ** سوده مرَن علينـــــــه

وعين المسلم ابلهفه**تنظر يوم مهدينـــــــه

يارحمه وبشير ونور**من هل المحنه نجّينه

الكل انخاك**يارسول الله

انريد حماك**يارسول الله

ايدك اتشابج ادينه**ضاگت الدنيه علينه**نادينه / يارسول الله

*************************

علينه نعمتـــــــــك تمَّت**من اكّدِت الوصايـــــه

گلت حيدر وصــــي الكم**امام ويحمل الرايــــه

بده بگلوب بعض الگوم**ماتدرك شنو الغايـــه

وبحكم السقيفه انـــــدار**خطهم عن الهدايـــــه

نكروهه **يارسول الله

خانوهه ** يارسول الله

باّل اميه احنه ابتلينه**ضاگت الدنيه علينه**نادينه/يارسول الله

************************

بعد ماغمضت عينــــــك**وبعد ماسكنت العبــره

بدوا بالبضعه هضموها**الظالم بيَن ابغــــــــدره

باب الدار حرگوهـــــــا**وهـَّم يرودونَه انعـذره

غابت ابضلع مكســـور**وعَّم الظلم عاالعتــــره

بالحسرت**يارسول الله

بالاهات** يا رسول الله

نناشد عالگبر وينه**ضاگت الدنيه علينه**نادينه/ يارسول الله

************************

ناده الملك جبرائيـــــــــــل **اركـــــان الهدى انهمت

تخضَّب راس ابو الحسنين**الدنيه مظلمــــه اضحت

ماتمم صيامه وغـــــــــاب**والشيبه ابدمه اتخضبت

بطل كل الحروب ايطيــــح**كــــل عين ابهظم دمعت

القران** يارسول الله

الاركان** يارسول الله

نادت من يحامينه**ضاكت الدنيه علينه**نادينه/ يارسول الله

*************************

سمعت شكوت عزيزتكـــٍم**يوم الحسن ݘبده انسم

ابگلبها الحسره تسعر نار**وعليها الحزن خيـــــّم

صاحت من جسدها الروح**غابت والدمــع من دم

من شافت وذر ݘبــــــــده**عانت الالــم والــــــهم

تشكيلك **يارسول الل

تحجيلك ** يارسول الله

بعد ياظيم تانينه**ضاگت الدنيه علينه**نادينه / يارسول الله

*************************

اصعب يـــــــوم مر بيهــه **وكل ايامها صعبـــــــــه

مصايب الزمـــــــــن ردت **الصبرها رايده اتجربـه

رفع رايــــــــه الصبر الها **انحنت لمصايب الصعبه

صاحت ربي هالقربــــــان**اقبله ابسهم لبگلبــــــــه

المذبوح ** يارسول الله

روح الروح**يارسول الله

ظامي انذبح والينه**ضاگت الدنيه علينه**نادينه/يارسول الله

*****************************

فيض دماه روّه الگــــــاع**وللحق سنبله خضّر

ابضمائرنه يعيش حسين**ومحبته بالگلب تكبر

الضريبه اليوم ندفعهـــــا**نتفجَّر ونتهجَّـــــــــر

لأن عنوانّــــــــــــه شيعه**ونوالي الوصي حيدر

امتانينه**يارسول الله

مهدينه**يارسول الله

الفرج بسمك ينجّينه**ضاگت الدنيه علينه**نادينه/يارسول الله

************************