دمعي يجري
 

دمعي يجري – اه يادهــــــري
بويه يابويه عفتني - اه يادهري
يادهر النوايــــــــــــــب تاخذ الغالي
هدمت اركان عزمي وشتـــــت بالي
تاخذ طه مني شيـــــــــــــبقى ياوالي
قسم اكظي سنـــــــــيني بلوعه للتالي
شلون بيه – بهل المسيه – بويه يابويه عفتني
من بعدك ولونه ومادريت شـــــصار
يانار الحـــــــــــــــبيب وبالدليل النار
خوه فكري بغـــــــــيابك مابقت افكار
وبقت ريحــــــة اهدومك يالابو تذكار
وجع روحي – هد صروحي - بويه يابويه عفتني
مثل زينب عفــــــتني وعافها العباس
شلون تعوفنــــــــي يابويه بين الناس
وحيدربالوصيه مجـــــتف النوماس
وياطف السقيفه الخـــــمد الانفــاس
اشكي حالي – والجرالي - بويه يابويه عفتني



مثل نار المــــــــــخيم اشعلو ناري
ومثل خيمة رقيـــــــه احركو داري
عصروني يبوي والدمـــــع جاري
لجن ظلت يوالي بصدري اسراري
سكط ابني – وزاد وني - بويه يابويه عفتني
مشيت ومن مشيت شلون بيه شـــلون
علا غيابك ابد مابقت عندي عيــــون
فركتك لاتظن ابدا تراها تـــــــــهون
ومن ابجي امنعوني بويه مايرضون
بطلي دمعج – سكتي ونج - بويه يابويه عفتني
مثل زينب بقيت مناطــــــــــره ترجع
ومسيل ادمـــــــوعي ابدا ماظن يكطع
تبجي اهروش كلبــــــــي عليك منبع
جبل صبري بغيابك ذاب وتكطـــــع
ذاب صبري – خلص عمري - بويه يابويه عفتني


خادم الحسين – عدنان منعم

احسنت شاعرنا المبدع خادم الحسين عليه السلام
لك تحياتي ودعائي