|
يمولاي الرضا ( موشح )
بسم الله الرحمن الرحيم
اللهم صل على محمد وآل محمد وعجل فرجهم يمــــولاي الرضـــــا ( موشــــــــح ) كتبت هذه القصيده في مشهد المقدسه في رحاب علي بن موسى الرضا عليهما السلام في 12 / 9 / 2013 م ــــــــــــــــــــــــــــــــــــــــــــــــــ ـــــــــــــــــــــــــــــــــــــــ جيتك إو روحي إبعشگهـــا نابضه === عارفــــه إبحگك يمولاي الرضـــــا ـــــــ عارف إبحگك يبن حيدر علي == وأدري بالهـم من أزورك ينجلي ياحبيبي إو ياإمامي إو منهلـــــــــي == إنتَ خير إو نور والزارك حـِظــَه ــــ إنتَ خير إو نور يضوي للأبد == ما يــزول إو هذا من الله وعد ياعلي السلطان گلبي إنسعـــــــــــــد == يوم طــَبـّيت الصحن همــّي مــُضــَه ـــــ يوم طـَبــّيت الصحن هزني الحنين == للضريــــــــح اليحوي قرآن المـُبين وإبضريحك سيدي يبن الأميــــــن == يشفه كل معلول وإيفوز إيــْحـَظـَه ـــــ يشفه كل معلول من علته يطيب == لو گصدلك ياإبـــن موسى الحبيب إنتَ للعشاگ مرهم ياطبيب == يمــــّك الأرواح تنعم بالرِضـــَه ــــ يمــّك الأرواح تنزعها الهمـــوم == ما تظل آهات وإتزول الغيوم يالنشرت الخير وأنواع العلوم == مدرســــــه للدين والحگ ناهضه ـــــ مدرسه للدين وإعلوم الحيـــــــــاة == أسست يبن النبي إو غضت الطغاة ياشفيعي إو ياسفينه للنجـــــــاة == ضامن الجنـــّه يروح المرتضه ـــــ ضامن الجنه يبن طه النبي == نـــورك الزاهر أبد ما يختبي جيتك إو رايد شفاعه ياأبـــي == ما أشوفن بالحشر نار اللظه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ مع تحيات شاعر اهل البيت / جابر النجفي إسمعوا القصيده على هذا الرابط http://www.wlidk.net/dld2oj63599.mp3.html |
اقتباس:
|
بسم الله الرحمن الرحيم اللهم صل على محمد وآل محمد وعجل فرجهم الاخ الطيب ابو محمد اشكر مرورك الكريم وفقك الله ورعاك |
| الشبكة: أحد مواقع المجموعة الشيعية للإعلام الساعة الآن: 03:42 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025