منتديات أنا شيعـي العالمية

يا ليتنا
إحسين دوم انعرف راعي العُلا او صاحبه
والدين بيه استمر , كسره انجبر او صحّ به
وهذا الشرف ينتقل للرافگه او صاحبه
بصْحابه بيش اعتقد او كلمن ظفر بلفضل
ما ألفي الغيرهم او بس عندهم بلفي ظل
وريّسهم اللي صبح راعي العلم "بو الفضل"
عبّاس ما ينْوصف بيده النصرالاكبر
من نادى خويه ابتشر لك طايع او لك بار
لا ايهمك او عسكرك بيهم " علي الاكبر"
الجسّم شجاعة علي او زود النبي جسّم
ابضربة يمينه شرگ راس العدو او جسّم
و النوب إجى ايسانده شبل الحسن "جسّام"
زين الشباب الذي الحُكم القَدر مُسلم
صاحب فضل بيه شهد كل مؤمن او مُسلم
الدرب الشهاده اعتنى چن "هاني" او "مسلم"
ذاك اللي مات ابظمى و اعداءه منعوه سجى
لچنه عوسج بگى او أصلب من العوسجه
شابه سِميّه الوفي "مسلم إبن عوسجه"
مقدام طبعه او شهم في باطن او ظاهر
ابوقت الشدايد برز للمعركه او ظاهر
تابع لوى الميسره الفي چف "إبن ظاهر"
شيخ المراجل لمع مثل النجم و ازهر
بالموت لو تنظره وجهه ابتشر و ازهر
ما يختلف هالوضع " بالخثعمي" و" ازهير"
و " ابرير" مثل اخْوته لحْسين عمره وهب
و الموت من گابله ما خاف منه و هاب
ما قصّروا بالحرب حتى المسيحي " وهب "
كل من وهب له العمر او قدّم إله منحر
والتوبه من تندرس تاخذ درس من "حُر"
اتخيّر جنان الخلد امْن اتردد او من حار
حط ايده بيد اولده او خلّه العدى ايلوجون
چن " عابس" ابهالوضع متسودن او لو جن
مالومه لنهم سوى عنده علي لو "جون"
و الهاذا كلمن برز نادى اسمه او صاح به

</B></I>