منتديات أنا شيعـي العالمية - مشاية للنبيّ صلى الله عليه وآله

مشاية للنبي

ــــــــــــــــــــــــــــــــــــــــــ

هذه القصيدة عبارة عن تأملات مسلم موالي يصّور الزيارة المليونية الشيعية لقبر الرسول الأعظم صلى الله عليه وآله والبقيع الغرقد كما يمشون الى كربلاء والنجف . فهل سترى المدينة المنورة المسيرة المليونية على ثراها يوما ما ،، أللهم انت حسبنا وانت المعول في ذلك.

بقلم جعفر ملا عبد المندلاوي
2/2/2011م/ 28صفر 1432هـ
-------------------------------

نقسم بأبو الزهرة === نوصل مشي إلگبره

لولا النصب وأهله === نزحف نشم عطره

ونكحلّ نواظرنه = والمرقد يلمنه

نقره مصيبة النبي ونواسي زهرتنه

ــــــــــــــــ

يا أحمد ومعناك === محدّ گدر يدناك

سّر خفي ما نقراك === بس عليّ والعلاك

يا سِّر مجرتنه = حُبَك بطينته

علة وجود الكون يا أصل فطرتنه

ــــــــــــــــ

يل گُبتك خضره === نلطملك بعشره

نضحيلك بكل شي === فدوه ألف مرّه

نمشي بملايين = إلـ گرُة العين

نمشي نواجه كل خطر ورضاك طلبتنه

ــــــــــــــــ

مشايه والعباس === إنزور تاج الراس

هذا نبينا الهادي === رحمة لجميع الناس

وننصب مواكبنه = خدامك إحسبنه

ونعوض سنين المضت ونطيل ونتنه

ــــــــــــــــ

إحنه إلنود حيدره === خلي يعلم المادره

نمشيها المِنَوره === ونزحف نشم منبره

ونبدي لطمنه = وننصب علمنه

چان النواصب تمنع ومحبوسة عبرتنه

ــــــــــــــــ

للطيبة وجهتنه === والنبي غايتنه

نسحگ ظلام النصب === يا نور جلستنه

ونبايعك بالحرم = نهزم جيوش الظلم

ونعيد ماضي كربلا ونذكر مصيبتنه

ـــــــــــــــــــــــ

وِنْشِدلَك السفرة === يا سيد العترة

هاليوم ننتظرة === واللطم بالحجرة

وهناك من نجتمع = نلغي رسوم القمع

ويصير(ذكرى) المنع وتبتدي صفحتنه

ــــــــــــــــ

ونشكي النبي المختار === بعاشور واشما صار

من زمرة الأشرار === ذبحوا أبو الأطهار

وإلي هضمنه = وزيّد ألمنه

مسبية زينب رايحه واجْرَحَتْ مهجتنه

ــــــــــــــــ

وبكربلا مجربة === ما نخشه كل نايبة

ولو غدروا الناصبة === تخسأ ترد خايبة

ونجدد البيعة = دين الله منبيعه

شيعتنه كلها فداك يا أمل أمتنه

ــــــــــــــــ

بيوم الگضى كارثة === لعبت يدٍ عابثة

تهموا نبينه بهجر === ومنعوا نَصُبْ وارثة

ظلموا نبينه = بحقد وظغينة

بيوم السقيفة إنقلبوا وخانوا شريعتنه

ــــــــــــــــ

يالمهدي إحنه فداك === لارض المدينة وياك

ننتظر نتلگاك === ونتبرك بممشاك

بروضة بهيّة = ننصب عزيّة

والبضعة تحضر للبجي وبحبها لمتنه

ــــــــــــــــ

ولارض البقيع بألم === نزحف وعالي العلم

نبني مراقد قمم === غصبن على من هدم

بروضة أئمتنه = ترتفع رايتنه

يالمهدي إنظر شيعتك تنتظر دولتنه

----------------------

وأسألكم الدعاء لوالديَّ رحمهما الله