منتديات أنا شيعـي العالمية - محاورة بالدارمي ارج ان تعجبكم للأمام الحسين عليه السلام

محاورة بالدارمي

حر وعطش والخوف واصراخ الأطفال
من كرابه طك السيف يحصد بالانذال

هتز ونتفض يحسين سيفي بيمنتي
من شافك انته أوحيد وتصد لخيتـــي

من شافك أنته اوحيد ظل سيفي يرعش
زاعل أكرابه وراح روس العده ايحش

اليوم اجيب الماي ياخويه عنـــــــــوه
والكل طفل يحسين بجفوفي يــــــروه

اليوم اجيب الماي رغمــاً عليهـــــــــم
ميضل طفل عطشان أكلبهه بيــــــهم

أكلبهه انه العباس والكل يعرفـــــــون
ولجلك يبو السجاد نفديهه العيـــــــون

ما نوفي أبد هيهات واشما فدينـــــه
أشعاع العلم والدين تبقه أنته لينـــه

نسل الامامه البيك والكرب فنــــــه
واجب علينه يصير انطيعك احنـــــــه

يابطل يوصل ليك وانته أبن حيدر
تشهدله كلها الناس من قلع خيبر

شنعد يبو السجاد يامكرمه انكول
كل وحده ايه تصير وتحير العقول

بدمك يبو السجاد ترويهه للطــف
وي عيني افدي النوب جف بأثر جـــــــــــف

بقلمي المتواضع