|
قصيدة راية العباس
منهو گال اعله الأرض موضوعة ***** راية العباس هالمرفوعـة فوگ گبة ذهب خفاگة وترف *****تحف بيهه وهيه بالگبة تحف وماينكسهه القدر والهه يلف ***** يگدر الباطل وكل فروعــة إلهه من ابعيد كل ناظر يشوف ***** شامخه ونيشان صارت للطفوف وبالتحية تنوب عن ذيچ الچفوف ***** الغدت من زنودهن مگطوعة من محمد للصميدة مقدمة ***** بيوم خيبر صنع بيهه الملحمة وبيد ابو فاضل أمانة مسلمة ***** من ايد عوده وصانهه المودوعة بآسم هاشم گمر صارتله وصفت ***** بزود راعيهه وعزم همته علت طخت الرايات إلهه وهبطت ***** ومن عمدهه الكل غدت منزوعة لايمن گايل اعله الگاع العلم ***** مانصف وجدانك بحگ وحكم شلون تنقل خبر مكتوب بقلم ***** غدت من سمه الكتب ملسوعة العلم فوگ الگاع ياحيدر تگول ***** من حديثك هذا مدهوشه العقول تصول بالطف گوم شاهدهه وتجول***** ولا تضن عن النظر ممنوعة للشرف عنوان يحملهه الشريف ***** ماهوت عالأرض من طاح الحليف جروحه من شاهدت ماخذهه النزيف ***** بالحداد عليه حنت مفجوعـة حايره ويم مصرعه تلف وتحوم ***** ياجرح يتضمد اوليهه يگوم تشد هذا ذاك يتفجر دموم ***** چانفجار العذب من ينبوعه نصر من الله حملت هالشعار ***** مرصعة بديباج واتشع بالخضار ولونهه من دمه چالياقوتة صار ***** حمر بي متخضبة ومنگوعة موسد اعله الغبرة تنظر للحبيب ***** مبتر الذرعان وبدمه خضيب عدهه ماضل كل أمل يشفه ويطيب ***** وينهض وياهه ويتم مشروعه عشگت العباس حگهه العاشگه ***** عنه ماتبتعد بي متعلگه ويا بگت متلازمه ومتفارگه ***** فوگ جثته البالكبر مضجوعة تعد بالساعات مو يوم وشهر ***** بلهفة تتنطر يعود المنتظر ومن غيابه المهدي لورد وظهر ***** الهه يحمل لو علن بطلوعه ملك للطلاب من وكته يحين ***** تصبح ابلا شك ولا ظن باليقين وبيهه يعلن يالثارات الحسين ***** ودم رضيعه وچبدته وضلوعه لخادم اهل البيت محمد الاعسم وارجو انتعجبكم و انتظر ردودكم |
الله .. الله رائعة هذه الكلمات التي تتغتنى بابي الفضل العباس موفقين ماجورين تحيـــــــــــــــــــــــــــاتي |
اقتباس:
السلام عليكم اختي اشكرك على مرورك الجميل |
ابدعت الانامل التي كتبت وجعل ذالك في ميزان اعمالك وعظم الله لكم الاجر
|
اللهم صل على محمد وآل محمد. كلمات رائعة بارك الله فيك
|
اقتباس:
|
لا زالت راية العباس عليه السلام مرفرفة في القلوب ...
ولا زال الزمان ينبض بها... للشاعر محمد الاعسم ...تحية وتقدير ...لكل المعاني التي رفعها |
اقتباس:
|
| الشبكة: أحد مواقع المجموعة الشيعية للإعلام الساعة الآن: 12:28 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025