منتديات أنا شيعـي العالمية

منتديات أنا شيعـي العالمية (https://www.shiaali.net/vb/index.php)
-   المنتدى الثقافي (https://www.shiaali.net/vb/forumdisplay.php?f=37)
-   -   ياسيدي السجّاد ( فائزي ملمع ) (https://www.shiaali.net/vb/showthread.php?t=165950)

جابر النجفي 30-11-2012 07:13 PM

ياسيدي السجّاد ( فائزي ملمع )
 
بسم الله الرحمن الرحيم
اللهم صل على محمد وآل محمد وعجل فرجهم

ياسيّدي السجّاد ( فائزي ملمع )
ــــــــــــــــــــــــــــــــــــــــــــــــــ ـــــ
ياكعبــةَ الصبــــــرِ === فيكَ الأسى يجري
نفدي لكَ الأجســادْ === ياسيدي السجّـــادْ
ياكعبــةَ الصبــــــرِ
ــــــــــــــــــــــــــــــــــــــــــــــــــ ــــــــــــــــ
مثلك أبد محّد صبر بس الولي إحسين == ياساجـــــد العتره الأشم ﺗﺑﭼيلك العين
بالطف شفت سيل الرِدَه وإتحملت بين == شفـت الضحايا إبكربله كلهم مطاعين
ياحامــــلَ الهــــــمِّ === أفدي أنا دمّـــــــي
حزني علانــي زادْ === ياسيدي السجّــــادْ
ياكعبــةَ الصبــــــرِ
ـــــــ
ساعة شفت جسم السبط فوﮒ الوطيه == ياعَمّتــــــي صبري صحت يالهاشميّه
ما ظل أمل فاز الأبو إو حلت رزيّـــــــــه == راسه إرتفع فوﮒ الرمح يروي القضيّه
يروي لنا الســـرّا === ويلعنُ الشـــــــــرّا
ويلعنُ الأحقــــــادْ === ياسيدي السجّـــــادْ
ياكعبــةَ الصبــــــرِ
ــــــ
وإشلون صبرك من عدت للغاضريّه == تدفــن هلك والهم علَه يابو الحميّه
يوم الشفت يم السبط ﺗﺑﭼــي الزﭼيّه == ناديـــــت جــــدّك ياعلي إحضر إليّه
ياجدّي إحضرنــي === شاركني في الدفــنِ
ونرفعُ الأمجـــــادْ === ياسيدي السجّـــــادْ
ياكعبــةَ الصبــــــرِ
ـــــ
ياصوت حيدر من صدح يفضح أميّه == بالشــــام غيّرت الوضع يبن الزﭼيّه
يوم إعتليته للمجد روحك زهيّــــــه == للثوره منبر تكشف الصوره البهيّه
يامنبرَ الحــــــــقِّ === بالخيرِ والصـــــدقِ
والخيرُ يزهو عادْ === ياسيدي السجّــــــادْ
ياكعبــةَ الصبــــــرِ
ـــــــ
بالليل تحمل زادك إو تفتر علينــــه == محّد عرف شخصك يبن حيدر ولينه
إحنه المساكين إبألم نهتف إجينـــه == وينك يبن طه النبي رحت إمن إدينه
يامشبعَ الجائـــــعْ === بفيضِكَ الرائـــــعْْ
ياسيدَّ العُبّـــــــــادْ === ياسيدي السجّـــادْ
ياكعبــةَ الصبــــــرِ
ــــــ
بالأدعيه إو نشر الفكر واجهت الأشرار == والأدعيـــــه صارت نهج تحويها الأسرار
عندك رساله بالحقوق الكل بشر حار == علمـــك نبع من حيدره بيك المجد دار
ياحجّــــةَ البـــاري === بدمعِكَ الجـــاري
واجهتَ شرّاً ســادْ === ياسيدي السجّــادْ
ياكعبــةَ الصبــــــرِ
ـــــ
ننصب مآتم سيدي لجلك يسجّــــاد == ما ننسه أحزانك أبد كُل يوم تنعادْ
كُل ساعه ﻳﮔصدنه العدو بالشر والأحقاد == ذولــــــــــه النواصب بالحقد ليزيد أحفاد
يجري الردى فيهـم === اللهُ يُخزيهـــــــم
ويلعنُ الجـــــــــلاّدْ === ياسيدي السجّـادْ
ياكعبــةَ الصبــــــرِ
ــــــــــــــــــــــــــــــــــــــــــــــــــ ــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldi0872261.mp3.html






الروح 02-12-2012 07:08 PM

بوركت الايادي التي تخط لزين العباد روائعها الشجية
دمتم بولاء الاطهار
ماجورين
تقديري


الشبكة: أحد مواقع المجموعة الشيعية للإعلام

الساعة الآن: 09:50 AM.

بحسب توقيت النجف الأشرف

Powered by vBulletin 3.8.14 by DRC © 2000 - 2025