منتديات أنا شيعـي العالمية - يحسين هذا العابد ( تجليبه في دفن الأجساد الطاهره )

بسم الله الرحمن الرحيم
اللهم صل على محمد وآل محمد وعجل فرجهم

يحسين هذا العابد ( تجليبه في دفن الأجساد الطاهره )
ــــــــــــــــــــــــــــــــــــــــــــــــــ ــــــــــــــــــــــــــــــ

يريت إبكربله إنساعد علي السجّــــاد == على ضيمه نعينه إو ندفن الأجساد
ــــــــــــــــــــــــــــــــــــــــــــــــــ ــــــ
نعينه إو ندفن إوياه إو نصب العيــــــــن == نشوفه إو بالألم نصرخ يبو الحسنيين
عجب ماجيت مولانه إو دفنت إحسين == لعــــــد سلمان جَيْتك ليش ما تنعاد
ــــ
لعد إحسين جَيْتك إحْنـــه نِنطرهـــــا == تجينه إمن النجف والهيمه تعبرها
توصل كربله والرايه تنشرها == جيتـك ياولينه ياعلي تنراد
ــــــــــ
جيتك ياأبـــــــو الحسنييـــــن مريوده == تشوف الساﮔــي وإتدّور على جوده
تشوف إﭼفوفه وإتنادي عَلــَم زوده == إنهض ياعَلَم عباس أبو الأمجاد
ـــــ
إنهض ياعَلَــــــــم ياحيدر إتناديـــــه == ترفعه إو من بهاءك سيدي ترويه
على صرح الوفاء إبأيدك إتخليـــــــه == يظل عالي العَلَم ينطي اليجيه إمراد
ــــــ
يظل عالي العَلَم عباس ما ينــــــــلاح == يريت إويه الولي العابد نشيل الراح
ذبيح الطف نشيله إو نفدي الأرواح == نساعـــــد عابد العتره الونينه زاد
ــــــــ
نساعد عابد العتره إو نون ويّاه == ندفـــن كافل الحرّه إو نصيح الآه
رضيع إحسين من ذبحوه ما ننساه == علـى نحر الطفل ﮔلبـــي أبد ماهاد
ــــــ
على نحر الطفل ﮔلبي نزف دمّه == أﮔــــول إشلون لحظة شافته أمّه
يريت إبكربله وإبيومه وإنشمّـــــــه == نلعن حرمله الباغي الحُوه الأحقاد
ـــــ
نلعن حرمله الأقرح عيــون الآل == صابت نبلته كُل شيعي بالدلال
جُرح نبلة رضيع إحسين ما ينزال == يظـــــل للدوم يروي خسّة الأوغاد
ــــــــــــــــــــــــــــــــــــــــــــــــــ ــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldjgv27807.mp3.html