منتديات أنا شيعـي العالمية - حــــــــوار الفاقـــــــــدات ( نعي ـــ نصاري )

بسم الله الرحمن الرحيم
اللهم صل على محمد وآل محمد وعجل فرجهم

حـــــــــوار الفاقــــــــــدات ( نواعي ـ نصاري )
ــــــــــــــــــــــــــــــــــــــــــــــــــ ــــــــــــــــــ
سمع صوت الشفيعه إحسين مهموم == من أﮔبـــــــل على العباس بالحـــوم
صد بالعين صوب الصوت مولاي == شــــاف أم الحسن وإعيونها إتحوم
وأم عباس ويّاهــــــا إو سمـــــع آه == سرت بيه إو غده من عدها ﻣﻟﭼــوم
سمع أم البنين إبصوت مفجوع == هذا إبنـــي يزهره الصار معلوم
وُفَه يم الحسن لحسيــــــن مولاه == مشه إبدرب المجد مولاتي موسوم
رضيت إعليه إبني ساﮔــي الماي == وفانــي إو خلّه راسي إيلوح الغيوم
إعذريني يزهره لو دمع ســـــــال == تره إعلى إحسين أجريه الدمع دوم
سمع أم الحسن وإبلهفة الــــروح == ﺗﮔﻟﻬــا آني إجيت إﺑﮔﻟبي المضيوم
أشوف الكافل العباس وأنعــــاه == وأﮔﻟــﻪ إختك ﺑﮔت بعدك يجيدوم
وحيده إو ما بعد ﺗﻟﮔاك يانـــــور == ليالـي الضيم بس الصار محتوم
ياأم البنيــــــن النــــوح ويــــّاي == على العباس واجب صار وإيدوم
ما أنساه واﻟﭼــفين والعيــن == والجود الوﮔﻊ ينخاه مهضوم
وإحسين إنفجع من لهبة الصـوت == وﮔﻑ يم اﻟﮔمــــر وإيصيح محروم
عباس الشهم من شربة المـــــاي == ذبّه إو ما شرب ظل بالحر إيصوم
يايُمّه الأخو عنّي مشه إو راح == خلانـــــي وحيد إبولية اﻟﮔـــوم
ــــــــــــــــــــــــــــــــــــــــــــــــــ ـــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldtha53685.mp3.html