منتديات أنا شيعـي العالمية - النحـــــــــر المقطـــــــــــوع ( قصيدة دارمي )

بسم الله الرحمن الرحيم
اللهم صل على محمد وآل محمد وعجل فرجهم

النحــــــــر المقطـــــــــوع ( قصيدة دارمي )
ــــــــــــــــــــــــــــــــــــــــــــــــــ ـــــــــــــــــ
شفت النحر ﻣﮔطوع ياحامي الجار == ﮔلبي إﻧﮔطع ويّاه ظل يمّه محتار
ــــــــــــــــــــــــــــــــــــــــــــــــــ ـ
ﮔلبي إﻧﮔطع وإيقيم يمّك يمظلــــوم == عاف الجسد ولهان تمليه الهموم
بعدك نزف وإتسيل من عنده الدموم == يـــروي إلك يحسين بالعايله الصار
ـــــ
يروي إلك يحسين ﮔلبي المُصيبه == إختــــك يماي العين آني الغريبه
أتمنه يمّي إتصير أمّي الحبيبـــه == تحضرنـي أم إحسين يمّك يمغوار
ـــــ
تحضرني أم إحسين يمّك يمهيـــــوب == أدري إﺑﮔلبها إعليك ياخويه مصيوب
وأدري إبضلعها إينوح بالحسره وإيلوب == لـــــــو شاهد الأضلاع رضّوها الأشرار
ــــ
لو شاهد الأضلاع ضلع الزﭼيّه == حتماً يظل بالنوح صبح إو مسيّه
رضتها هاي الخيل خيل آل أميّه == داســوا كتاب الله بيهم حقــــد دار
ـــــ
داسوا كتاب الله أهــــــل الجهالـــــه == بس ظلت إمن إدماه تزهي الرساله
والشر وﮔﻊ بالعار وأعلن زوالــــه == والدم بنه الأمجاد بارواح الأحرار
ــــــ
والدم بنه الأمجاد بالغاضريّــــــه == واني فضحت إيزيد إبن الدعيّه
والثوره صارت نور يضوي البريـّه == ترسم درب للتـــــاه وإتسانــــد الثار
ــــــ
ترسم درب للتـــــاه ثورة محمد == جدّدها إبنه إحسين والدم تخلد
وإنعرفت الأهداف والباطــــــل إنهَد == والحق هتف يحسين يارمز الأبرار
ـــــ
والحق هتف يحسين يامنقذ الدين == نلـت المجد والفوز والحاربك وين
ﺤﮔﻬــا إبدمع تنعاك ﺗﺑﭼيلك العين == ﺤﮓ المحـــــب ينخاك ياقبلة الزار
ـــــ
ﺤﮓ المحب ينخاك وإﻳﮔصدك إيزور == ﺤﮓ عابس المجنون بجنونه معذور
ﻋﺷﮔــك مله الأرواح يضويها بالنور == حبّـــــك يبو السجّاد يحويها الأسرار
ــــــــــــــــــــــــــــــــــــــــــــــــــ ـــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldffi73092.mp3.html