منتديات أنا شيعـي العالمية - قصيدة تخص تفجيرات العراق الاخيرة اااااااااااه ياعراق

ااااااااااااه ياعراق

الكل يعلم ماحدث اول امس بتفجيرات في جميع محافظات العراق وهذه اهديها لهذا الشعب والوطن الجريح
كلي الياجرح ابجي يالعراق

ولمن تنجرح ياهو اليلمنه

جم تفجير صارن احسب ولتخاف

ماكفه الجثث يبجي دمعنه

صدك ياوطن بس منك يغارون

لان شايل الغيرة وحب اهلنه

لان صورة وطنه اشوهت تشويه

جومت العلم يحفظ صورنه

كل ذكرى جميله انمسحت وياك

ضلت بالحلم تطبع ذكرنه

الشوارع بس جثث اعبرهن وفوت

ماضن كربلة وصلت الحدنه

ادري بكربلة جان العدو معروف

بس احنه الاخو يطعن ضهرنه

ابو السجاد مات وهو عطشان

وماواحد بالمية تعنه

بس انت بقيت بعطشتك عطشان

لاميتنه مات لاعدلنه

الميت بالشوارع جثته اجزاء

وتلكه بكل فرع جزء بجسمنه

وعدلنه يلوب بهدوم المحنه

مافد يوم هالاسود تركنه

لو نلبس جفن لو نحزن الراح

ونضل بس بالدمع نروي وطنه

اعتب عالدول والعرب ياحيف

تدز جلابهه اجاهد باهلنه

اريد اعتب على التجار ياحيف

لان لالوان ماترهم جسمنه

خل ادز الابيض ننجفن بي

ولون الاسود يلوك الوطنه

مابدل ابد كل يوم ميته الناس

ومااضحك بعد نهبو ولدنه

كلي الياسبب بس العراق يموت

لان اولاد حيدر بس شعبنه
ااااااااااااااااااااااه ياعراق

http://www.zowgh.com/upload/files/870_cnsqr/2.jpg