منتديات أنا شيعـي العالمية - للكاظمية ********** أنعزي الزجيه

للكاظميـــــــــــــــــــة *** أنعــــــــــــــزي الزجيه
كلنــــــــــــه زحـفـنـه *** ويجـــــــــــــــري دمعنه
عــــــــــــــــالمسموم
***********
شيعة علي بهـــــــذا ألمسه ** للكاظميـــــــــــــــــة أتعنت
أطفال نســــــــــوان وزلم ** شيــــب وشبــــاب ألزحفت
عافتها لديـــــــــــار الأهل ** مولاي وشمـــــــــــــا ملكت
تـتـمـنــــــــه تـتسجل خدم ** يابو الرضا مـــــن حضرت
سجلها يمــّـــــــــك *** بالزهـــــرة أمـّـــك
أنــــــــــــــت أملنه *** ويجـــــــري دمعنه
عـــــــــالمسموم
***********
مولاي تـــــــــدري بشيعتك ** وتعــــــرف الصاير بيها
بــآلام كضـّــــــــــــت للعمر ** والوكت جــــــــار عليها
وبالرغــم مــــــن كل ألجره ** لـمـصـيـبـتـــك تـحـيـيـها
حضــرت اليـــوم لحضرتك ** ولأمـــــــــــــــك تواسيها
تشاركهـــــــــا ونها *** ولوعـــــــة حزنها
وياهـــــــــا صرخنه *** ويجـــــــري دمعنه
عـــــــــــــالمسموم
*********
يــــــا لكاظم بصوت الحزن ** ونــّـــــــــــــت إلك شيعتكم
ونعرف بيا حالـــــــه عشت ** وشـعــمـلــــت لـعـادتــــــكم
كــــــــــــل همها دينك يندثر ** مـــــــــــن سمت لحضرتكم
مــــا تدري بدرك ضل يشع ** وهــــــــــــــــذا نبع شيمتكم
عالـــــــــي بسمانه *** وحافـــــــــــظ مكانه
يضــــــــوي بدربنه *** ويجـــــــــري دمعنه
عــــــــالمسموم
**************
جم لوعـــــه جم غصه شفت ** مولاي يــــــــــــا بن جعفر
عـــــن أرض طيبة أتهجرت ** وبنــــــــــــــار كلبك يسعر
ينقلوك مـــــــن سجن السجن ** والكيــــــد بيـــــــــــدك أثر
تاليها سمـــــــــــــــــوك بغدر ** وجبدك يغـــــــــــالي تفطر
لفكــــــــــــدك يغالي *** نــــــــــاح الموالي
ونـــــــــــــار بكلبنه *** ويجـــــــري دمعنه
عــــــــــــالمسموم
*************
حماميل تحمـــــــــل للنعش ** وأنت أبــــــــــــــن سيدهم
لا دين عـــــــدها ولا عـقل ** زمــــــــــــره التي أمرتهم
وهـــــــــــذا إمـام الرافضه ** بيها أعـتــلــــــت صيحتهم
ومتجمهرة فـــــــوك الجسر ** أحـبــابــــــك أتـلـكـتــهــــم
حضـــــــرت تشيعه *** لأبــــــــــن الشفيعه
حبّــــــــــــك جمعنه *** ويجـــــــري دمعنه
عــــــــالمسموم
***********
نعشك بكــــــــل هيبة وفخر ** أنشـــــــــــــال بإباء أتشيع
والرضا يمك مــــــن حضر ** يجـــــــــري عليك المدمع
جهـــــــــــزك يبن الطاهرة ** وبـيـديــــه لـجـثـتـــك ودع
بس الحسين بــــــــلا غسل ** ضل عــــــل وطيه أمبضع
بحاله غريبــــــــــة *** وجــثـتــــه سليبـــه
عليها أنهضمـــــنه *** ويجــــــري دمعنـه
عــــــــــــالمسموم

بقلمي
خادم الأطهار( ع )
قاسم حتروش