|
قصيده الرضيع
يعبدالله الدمع يجري بعدك جا شلي بعمري انوح اعليك يوليدي يماي اتبده من ايدي بعدك جاشلي بعمري .................................................. ............. يعبدالله اسولفلك يبعد امك مهدك جان كلبي وعيني اتضمك اناغيك بحناني والهج بأسمك حالي اشلون يبني لو شفت دمك واشوفك منذبح ظامي ودموع انكلبت احلامي واظل الطم على صدري بعدك جاشلي بعمري .................................................. .................... شيصبر الكلب يبني يماي العين ومن تمشي ييمه انطي الوجه لاوين واصيح بصوت يبني يا عزيز حسين شبسرعه وخذك من بين اديه البين يعبدالله انهدم حيلي واخبرك ما نمت ليلي وعكبك ما طلع فجري بعدك جاشلي بعمري .................................................. ...... يعبدالله احلفك لا تعوف امك وتخليها تلوج بحزنك وهمك اخلص الليل كله جاعده يمك ويحن كلبي عليك ويركض ايشمك اصيح بصوت يلغالي تعال وعاين الحالي يبني مو خلص صبري بعدك جاشلي بعمري ................................................. ينسمة فرحتي يبني يبعد الروح تعوف امك يغالي للبجي والنوح ويظل عكبك يعبدالله الكلب مجروح واخذها وياك روحي يبني من اتروح اموت وياك يعيوني يبني خابت اظنوني ونيران الكلب تسري بعدك جاشلي بعمري .................................................. ............ اهز مهدك يعبدالله ودموعي اتسيل يلوجهك فجر وآنه بظلام الليل ينضح بالكلب عطرك ورود وهيل ومن تبعد يغالي ايذوب مني الحيل دخيلك يا علي الكرار كلبي لا يظل محتار واصيح بصوت من دهري بعدك جاشلي بعمري .................................................. ......... الخادم الحسين عليه السلام \ السيد عقيل العوادي |
جميييييييل جداً سيدنا العزيز ارى بين طيات حروفك الماً جمّا لا حرمنا الله من نميرك العذب |
ما اروع هذا النزف
سيد عقيل العوادي تحياتي |
أحسنتم وبارك الله فيك وأنالك شفاعة الرضيع بحق محمد وال محمد تحياتي |
| الشبكة: أحد مواقع المجموعة الشيعية للإعلام الساعة الآن: 04:44 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025