منتديات أنا شيعـي العالمية - إسمــــــــــــعْ وَنْهـــــــــــــــــا

بسم الله الرحمن الرحيم
اللهم صل على محمد وآل محمد وعجل فرجهم

إسمـــــــــــــــــعْ وَنْهـــــــــــــــا
ــــــــــــــــــــــــــــــــــــــــــــــــــ ــــــــــــــــــــــــــــ
يامولاي إسمعْ وَنْها === إسمعْ وَنْها يامولاي
هاي الزهره الهضموها === من بعدك ما حشموهــا
يامولاي === يامولاي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
ظهر حقد الصحابه يانبينه إيدور == مــــن بعدك طُفح كيل الغدر مسعور
والكرار صابر عالجمر مجبور == رجعت جاهليه إتعم ظلام إو جور
متحزمين للشر ذوله === للشر ذوله متحزمين
نكروك إو نكروا حيدر === أضغان إو گامت تظهر
يامولاي === يامولاي
ــــــــ
نكروا بيعة الكرار يامختـــــــار == رادوا من علي إيبايع وإجَوا للدار
دار البي أثر من الوحي إو تذكار == دار الطاهره الزهره الحُوت أســـرار
مايدرون روحك بيها === روحك بيها مايدرون
بيها الحسنيين إو زينب === دار العز نادتْ تِنْحَـــب
يامولاي === يامولاي
ـــــــ
شيطان الحقد ويّاهم إيْمدهم == يريدون الوصي يطلع يبايعهــم
والنار العلت فضحتْ مقاصدهم == يكرهون الولي عقدة حسد عدهـم
ما ينسون سيف الحامي === سيف الحامي ماينسون
من زاح الباطل والشر === عن دين الحق الأكبر
يامولاي === يامولاي
ـــــــ
وإنْ بيها الوديعه صاح يامِرْهُـم == إدفعوا الباب آخذ حيفي من عدْهُم
وإبدفعة لعين الناس تابعْهُــم == ضلع من فاطمه كسروه يلعنْهُم
ماهابوه بيت الهادي === بيت الهادي ماهابوه
وأم إحسين إتناديهم === بس شرهم يحدي بيهم
يامولاي === يامولاي
ــــــــــ
عصروه الصدر من فاطمـــه مولاي == مشه البسمار يجرح بيه بس شچـــّاي
ينوح إعليه من يومه إو يُون بي داي == والمُحســـــن وگع بالگاع ياعينــــاي
ما نِنْساه ضلع الزهره === ضلع الزهره ما نِنْساه
ناخذ ثاره إويه المهدي === من يظهر نوره اليهدي
يامولاي === يامولاي
ــــــــــــــ
أصعب يوم يوم إوداع أم إحسيـــــــن == على صدر الزچيّه مرتمي الحسنيين
والحوراء مهمومه إو تُون إونين == والكرار دمعه حابسه بالعيـــــن
ياربّاه نادى الوالي === نادى الوالي ياربّاه
ظلمه الدنيه إبْلَيّاهـــا === نور الروح إو سلواها
يامولاي === يامولاي
ــــــــــ
من هال التُراب إعلى الشفيعه الــروح == تريد إوياها تمشي إو للأمان إتروح
إجَتْ ليك الوديعه والگلب مجروح == ياأحمد وَنَه بالهم بگيت إو نوح
بالأحزان بعد الزهره === بعد الزهره بالأحزان
ظلّتْ روحي الملچومه === تِتْنطّر وعدي إو يومه
يامولاي === يامولاي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا طور القصيده على هذا الرابط
http://www.wlidk.net/dldudn61571.mp3.html*