بسم الله الرحمن الرحيم
اللهم صل على محمد وآل محمد وعجل فرجهم

أم العتـــــــــــــــــــــــــــره
ــــــــــــــــــــــــــــــــــــــــــــــــــ ــــــــــــــــــــــــــــــ
بين الزهره إو بين إولاده == حيدر محتار إو هالناده
وَدْعوا الزهره == أم العتره
حيدر محتار إو هالناده
ــــــــــــــــــــــــــ
حيدر يودّع فاطمه == وإشلون حيدر يكدر
يوم الوداع الشاهده == مَنْشاف أبداً ما مر
والأصعب إعليه إو أشد == شاف الضلع بيه الشر
مكسور يبجي بي جرح == حيدر يوُن وإتحسّر
وإينادي الزهره المهضومه == لَتْعيفيني يامظلومه
دمعي يِجْرَه == يَم العتره
حيدر محتار إو هالناده
ـــــ
نادى علي يَم الحسن == بعدج ظلام أيّامي
إنتِ لحكتي المصطفه == واني إبظلم ظُلاّمي
فكدج صعب يافاطمه == ضَيَعها كُلها أحلامي
بعدج فلا عندي أمل == نامي يطيبه نامي
هذا الصار إو حيّر فكري == أمر إمن الله إو لازم يجري
الله إو أمره == يم العتره
حيدر محتار إو هالناده
ـــــ
ياروحي يابسمه إو أمل == وصلي سلامي الأحمد
إشكيله من ظلم النُكر == حقي طغَه وإتمرّد
كوليله بعدي المُرتضه == حاير بقه إو يتكبّد
ظلم البغوا ذوله الكُفر == عافوا هُداك إو أزود
عافوا حيدر للغي راحوا == وإنتَ التُعرف بالشر طاحوا
إنتَ الأدْرَه == بم العتره
حيدر محتار إو هالناده
ــــــ
بِشْري يبت طه النبي == زينب تَرَه بعيوني
أعرُف تخافين الحزن == يدخل قلبها إبدوني
مَيْصيب زينب أي ألم == واني الحمه إينادوني
مادام أعيش إبهل أرض == هيّه إبرموش إجفوني
وإتظل زينبنه المحشومه == وأعرف بنتي إتظل ملجومه
وأجري العبره == يم العتره
حيدر محتار إو هالناده
ــــــ
يلمهدي يايوم النصر == إحنه نريدك نُنْطُر
تظهر يبو صالح تجي == للشيعه تحمي إو تنظُر
ياسيدي من الكسر == لليوم شفنه اليُنكرُ
حق الولي حيدر علي == وإيسب ولينه يُأمُر
كل شيعي عايش بهمومه == وإتصير إبكُل يوم الحومه
والدم يِسْرَه == يم العتره
حيدر محتار إو هالناده
ــــــــــــــــــــــــــــــــــــــــــــــــــ ــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dlddak27842.mp3.html
*