بسم الله الرحمن الرحيم
اللهم صل على محمد وآل محمد وعجل فرجهم

إبوذيــــــــــــــــــــــــات فاطميّـــــــــــــــــــــه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
قبيح إو ماعليه الخير وَجْهَه == ظالم فاطمه إو للنار وَجْهَه
للنار إو لظاها إبسوط وَجْهَه == ياربّي الظُلم عترة نبيّه
ــــــ
كصد دار النبي ظالم وجاها == يشيل أحقاد ولناره وجّاها
على بيت الهُدى البيه ال ( وجاها ) == وجاهة فاطمه إو حامي الحميّه
ــــــ
بيت العز غده للناس مَنْهَل == عله بيه الألم مهموم مِنْهَل
ظلام أرجاس والزهراء مِنْهَل == ضلع كسروه ياسيد البريّه
ـــــ
على الزهراء دمعي دوم جاري == أنصُب مأتم إلها إوياه جاري
نهر أم الحسن بالخير جاري == يروي إمن العطش يوم الجزيّه
ـــــ
جميل الكوكب إو سمّوه زُهره == من عدها أخذ أنوار زهره
غطّت بالضُوه الأكوان زهره == نسوها إو مارعوها الناصبيّه
ـــــ
عساني أبقه إبسجن ودها وسرها == شيعي إو دوم أذكرها وسرها
وديعة أحمد الهادي وسرها == من أسرار بارينه الخفيّه
ــــ
إسمج فاطمه مرهم وسُر بيه == أقراه بالسفر أتبرّك وسر بيه
لغز بيه الأسم مخفي وسر بيه == أمان إو للمُحب أعظم هديّه
ـــــ
عرفنه فاطمه التشفع وعينه == لظل أبجي مع النايح وعينه
إذا قلبه نزف دمّه وعينه == جرت دمعات لمصاب الزجيّه
ــــــ
من يوم الأجه الباطل وبينه == لعد بيت الهُدى هاجم وبينه
حسرات إو ألم يلهب وبينه == نِنْساها الوديعه الهاشميه
ـــــ
باري الكون بالمصحف وعيده == ما سمعوه ظُلاّمي وعيده
على الصار الحقد فرحه وعيده == نُكرني إو آني بت سيد البريّه
ـــــ
بَمُر الله علي أحمد يِعَيْنَه == وصي بعده إو صُفه محّد يعينه
عفاج إشلون صُبريتي يعينه == من شفتي الظلم يغزي الزجيه
ـــــ
طلعة غايب الأمه نبيها == يشوف الزمره العافت نبيها
نُكرت فاطمه الزهره ال ( نبيها ) == وبوها المصطفه سيد البريّه
ــــ
عينك ياعلي الزهره تراها == تشوف الشر إجه إعليها تراها
ما صاحت إلك حيدر تراها == تخاف إعليك من عُظم الرزيه
ــــ
أبد ما ينكشف للناس سرها == حديث المصطفه الزهراء سرها
على إفراش المنيه إبخير سرها == وإبتسمت شفيعتنه الزجيه
ــــ
بسمة فاطمه هلّتْ وَعِدْها == أمل تلحق أبو القاسم وعدها
مَتْظَل بعد عينه وعدها == تِتْحَمّل أذى أهل الرديه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا الأبوذيات على الرابط التالي
http://www.wlidk.net/dldqh764716.mp3.html

*