|
دوس اعله الورد....كام الورد ينداس....>>>المبدع ناظم الحاشي
قصيدة للشاعر الحياوي ناظم الحاشي دوس اعله الورد.... كام الورد ينداس ... بس عطر الورد ماتكدر اتدوسه يصح واحد ... جريمه اعله الوجه ينباس اواحد بالرجل ..يستاهل اتبوسه يالعندك شمس .. لازم يجيلك ليل .. ويجبرك غصب تحتاج فانوسه لتأمن زمان .. العلم الطاووس.. يتبختر..اوهلس ريش طاووسه ياتابوت ميت ... ما تشيله جفوف .. حتى نكول مات .وشالته فلوسه فك سجن البلابل ... يازمان الخوف ... ليش ابلاذنب ..عالصوت محبوسه لا تعبد صنم ... وتشوف بيه فرعون.. واتلم الحيايه ..وتنتظر موسى او لتخدر الورد.. من شتلة الكمون... والشتلة الخبيثه..بصفها مغروسه اولتلوم النهر ... لوم اليناوش ماي ... من تعطش كباله...وماترس طوسه ليصيبك عجب ... يالعصبر منفوس.. الموته ابهل الزمن.. عالموت منفوسه بالك لا تشم .. ريحه ورد مشموم .. وجلدك لا تلبسه ..هدوم ملبوسه ولتكلي العمر ... يستاهل احنه نعيش.. والواكف يلوج..الطاح بضروسه موت بيا زمن .. مو مشكله منتموت.. بس اترك اثر ..وافعال ملموسه دك عمره... المسيح ابخشبه الكتال حتى الناس ..تسمع صوت ناقوسه نام ابلا خبز .. خليك ميت جوع... ما فرغت بطن...والعين متروسه تحياتي للطيــبيــن |
أحسنت أخي كرار العراقي وعاشت أنامل المبدع الأستاذ ناظم الحاشي تحياتي |
شكرا على المرور الرائــــع
|
الشاعر كرار العراقي إختيار يدل على ذوق رفيع وحس مرهف تحياتي لك وللشاعر الحاشي دعائي |
| الشبكة: أحد مواقع المجموعة الشيعية للإعلام الساعة الآن: 05:30 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025