منتديات أنا شيعـي العالمية - زيارة الحسين للشاعرسيد كريم السعبري

انعجن دمي بحب الحسين
واتمنه يوميه ازوره
ازورن مرقده والدمع بالعين
ويحمل كلبي اله مليون صوره
واتمنه العمر مو عمرعمرين
واذوبن فوك شباجه وعطوره
واسمك صار سلوه لليزورون
بلا استاذان يدخلهم سروره
يبو السجاد وانته المعدن الزين
جعلك الله قدوه لكل عصوره
ريحانة رسوله وللرياحين
عطر وبدر من اجمل بدوره
ولونعرف قدركم جدي يحسين
نعوفن بيتنه كله واموره
ومونبقه فقط لويوم واثنين
نخلي بيوتنه يم ستر سوره
ونظل يم مرقدك احنه دخلين
ودخاله يعدهم من حضوره
ياابن الرساله وابن قراءن
ويعندك علم توراته وزبوره
يقربان الرساله شلون قربان
من مثلك يضوي الكون نوره
يلي بدمك مثبت فروع للدين
واصول الدين من اجمل زهوره
شريد اكتب شعر عنك يعطشان
وتهت مابين كلماته وبحوره
يابحر الاكتبك بيه خجلان
لان الله اذكرك في كذا سوره
صلو عل النبي خير النبين
وال بيته على طيلة دهوره