منتديات أنا شيعـي العالمية

منتديات أنا شيعـي العالمية (https://www.shiaali.net/vb/index.php)
-   المنتدى الثقافي (https://www.shiaali.net/vb/forumdisplay.php?f=37)
-   -   أه يالحسن (https://www.shiaali.net/vb/showthread.php?t=136791)

كاظم الشيخ موسى قسام 01-01-2012 10:42 PM
أه يالحسن
 
http://t1.gstatic.com/images?q=tbn:A...D2CQ90Kt5ZwgXA

أه يالحسن أه يالحسن ... هاجن اجروحي من الفتن

امصابك يبو محمد صعب ... ليك امظر اودمعي يصب
هاجن اجروح البلكلب ... اومن المصايب خزنن
**
دمعي على خدودي جرن ... اوحسرتي بصدري امكسره
يبن البتول الطاهره ... دلالي ينزف من تون
**
كطعت كلبي ونتك ... زادت اجروحي امصيبتك
من شفت خويه جبدتك ... دموعي على اخـدودي جرن
**
ابلب الكلب جرحك مضه ... يانور عين المرتضه
ياخويه عمري اللي مضه ... بهمـــوم ايامه انكظن
**
حملني من جوره الدهر ... أحزان وهموم وقهر
اتصوب دليلي ونفطر ... ابفكد النبي المؤتمن
**
اوثاني جرح كسر الضلع ... أشهك وأون واجري الدمع
بلزهره طفله انفجـــع ... بالحسره ماتت والمحن
**
ثالث جرح جرح الولي ... من راح ابو الحمله علي
دمعي عله خـــدودي يهلي ... امصاب الوصي زاد الشجن
**
ورابع جرح يالمجتبه ... سم جعده جبدك صوبه
يارابع اصحاب العبه ... بيك شعمل خويه الزمن
**
نادت يبن حامي الحمه ... زينــب وديعـــة فــاطمه
بالطشت من شفت الدمه ... اتمنيت اعـــــيوني عـــمن
**
حسراتي زادت من شفت ... جبدك مكطـــــع بالطشت
يالحسن يبنمي صحت ... اعضاي كلها اتراجفن
**
مصابك يبن مكه اومنه ... ياسعـــــد عمري والمُنه
ماشفــــت يبنمي هـــنه ... من صغري اجرع محن
**
عنعش ياخويه طحت ... مظلوم يبنمي رحت
دولبني ياخويه الوكت ... اصايب اعليه اتكاثرن
**
بالحسن هاشم شالتك ... والكبر جدك جابتك
الأحقاد هيه المنعتك ... يم جدنه خويه تندفن
**
وكفت الكوم عله الدرب ... جن رايدر اتشن الحرب
سهام الحقد صارت تصب ... عجــــنازتك مثل المـــــزن
العباس دلاله انصدع ... سل صارمه وليهم طلع
لاجن ابو اليمه منع ... لعضيده ودموعه هملن
**
اصبر يراعي المرجله ... يومك اهناك بكربله
انته يبن عقــــــد الـــوله ... اتباري يخويه للظعن
خادم أهل البيت
ابو حيدر القسام

ابو محمد 02-01-2012 02:42 PM
جزاك الله خير الجزاء بحق الحسن المجتبى

أم كميل الكلابيه 02-01-2012 07:15 PM
اللهم صل على محمد وآل محمد وعجل فرجهم الشريف
أحسنت ومأجور أخي أبو حيدر
القصيده رائعه وتستحق الثناء
دمتَ موفق
تحياتي الأخويه

ابوتكتم الخير 02-01-2012 11:01 PM
المبدع القسام
قسم الله لك الجنه بهذه القصيدة الرائعة
جعلها الله في ميزان حسناتك
دعائي

زكي الياسري 04-01-2012 10:40 PM
قصيدة رائعه بحق

جزاك الله خير الجزاء


الشبكة: أحد مواقع المجموعة الشيعية للإعلام

الساعة الآن: 03:54 PM.

بحسب توقيت النجف الأشرف

Powered by vBulletin 3.8.14 by DRC © 2000 - 2025