ياليل الفجيعه طول ... بظلامك طول علينه


كل ارجالنه راحت ... حرم واطفال ظلينه


ـــــــــــــــ


بكينه بس حرم واطفال .... وغير عليل ماعدنه


عليل وحالته صعبه ... يويلي شلون يحرسنه


ظلت خايفه النسوان ... تشوف الخيل حوطتنه


تتناديني بوجل يالليل ** تنادي والدموع اتسيل ** يازينب حوطتنه الخليل


لون هجمت علينه شلون ... منهم منهو يحمينه


ــــــــــــــــــــــ


يالليل وطلبتي منك ... ترسل للنجف نجمه


توصل لعد حامي الجار ... وتكله من تصل يمه


بالطف زينب اوحيده ... انذبح واليهه ابو اليمه


فكدة زينب الوليان ** كها جثث عله التربان ** تصرخ والكلب وجلان


رجال اوخيل يابويه ... حاطت هالمسه بينه


ــــــــــــــــــــــــــ


امخدرتك يداحي الباب ... الما واحد لمح ظلهه


أخوهه عله الثره مذبوح ... اوراح الجان كافلنه


غريبه حايره ظليت ... والحزن هدهه


هاذي ياعلي زينب ** كلبهه من الحزن عطب ** تنادي ياعلي وتنحب


بويه ما بكالي معين ... وضرج طاح راعينه


ـــــــــــــــــــــــــــ


سهرانه بكيت ارعه ... يتامه حسين والخدر


ويمي واكفه اسكينه ... كلبهه من البجي اتفطر


تنتحاجيني يعمه اسلون ... لون شمس الظهر تظهر


عاري جسم ابو اليمه ** ولا ظل اليصل يمه ** عساهه تبكه مظلمه


ولا تطلع شمس باجر ... وتمس جسم والينه


ــــــــــــــــــــــــ


بويه وفكدت طفله ... راحت وين ما أدري


مدهوشه طلعت وحدي ... اتعثر والدمع يجري


ليل اواكفه العدوان ... يبويه اتحيرت بامري


يبويه اشعمل بينه البين ** متحيره وادير العين ** لكيت الطفله يم حسين


تقبل منحره وتصرخ ... يبويه الراس جاوينه


ــــــــ


طحت فوك الجسد انحب ... يخويه شعملت العدوان


جسمك عله الثره موذر ... اوراسك صار فوك الزان


رفعت ايدها وصاحت ... ربي اتقبل القربان


اتقبل منه ياقيوم ** قربان الك هالمظلوم ** خانت بيه هاي الكوم


انته التنقم منهه ... الخانت ابن هادينه

خادم أهل البيت


ابو حيدر
كاظم الشيخ موسى قسام

http://t1.gstatic.com/images?q=tbn:A...wy3HFMxHFI5I9o

دارميات حسينسة

ريت اختفه ولا هل هلالك يعاشور
ادموم تجري العين والكلب مشجور

**

عاشور من هليت شفنه المصايب
حزن وقهر وهموم والدمع ساجب

**

عاشور مابي صوج بالك تتهمه
الصوج من ايـــزيد الشوه اسمه

**

لا والله ياعــــاشور مو ذنبك انته
كل الظلم والجور من الناس شفته

**


عالتل واكــــــــفه تندب يحيدر
بويه عله الخيم هجمت العسكر

**

القسام
قصائد ولائية تقطر حبا
للحسين
جعلها ألله في ميزان حسناتك
أثقل من الرواسي
تقبلني
أخوكم ابوتكتم الخير

السلام عليكم ورحمة الله وبركاته
كلماتك أكثر من رائعه
جعلها الله في ميزان أعمالك
تقبل مروري

الغالي
أبو تكتم
شكراً على مرورك الميمون
وتواجدك العطر وكلماتك الصادقة
لك مني أجمل التحيات وأطيب الأماني
المخلص
ابو حيدر القسام

عزيزي
قاسم حتروش
الروعة في مرورك العطر
وردك الجميل لاعدمنا من توجدك الطيب
المخلص
أبو حيدر القسام