|
ابوتكتم الخير:قصيدة :ياشهر عاشور
ياشهر عاشور قصيدة لأستهلال شهرمحرم الحرام ياشهر عاشور هم مثلك شهر ....كسفت الشمس وخسف بيك الكمر *********** ياشهر عاشور الشمس إكسفت والكمر عل المشرعه عيونه طفت وبيك زينب يا شهر وحيدة بقت وبالبراري حرم وطفال شردت ياشهر هليت بالهم والكدر ************** ياشهر بيك الحسين إعله الثره بسيفك العاشر تكطع منحره وجبد أبو السجاد سهمك وذره والجسد تربان طفك عفره ورضرضت خيلك يمشؤوم الظهر ************** عن الأكبر يا شهر هذا السوآل شاب عنده من النبي كل الخصال وذريته برمح وسيوف ونبال هذا حيدر لو محمد عل الرمال لوأبو اليمه صفه جسمه وذر ************** ياشهر وين الذي عاف العرس وشال سيف الموت والطاس وترس جفوفه بالحنه محنيها أمس صدك ظل مطروح جاسم بالشمس ياشهر عاشور والراس إنطبر ************* وارد أسألك ياشهر عن الكفيل ذاك أبوفاضل إبن حامي الدخيل كلي روه سكينه بالماي وعليل كلي جفه الماي هم يكدر يشيل وشال جوده والعلم لو ما كدر ************* صدك عباس انبرت منه الجفوف صدك غايب كمر هاشم بالطفوف صدك طفه السهم عينه ومايشوف صدك حزت ركبته بيض السيوف وظهر أبواليمه على الشاطي إنكسر *********** يا شهر زينب صدك مجتوفه و ركبت الهزل مشت للكوفه وعل الرمح راس الحسين اتشوفه وعل النهر جسم الكفيل تعوفه ومن بعد عباس سابيها الشمر طالب شفاعة الحسين ابوتكتم الخير |
تباركت أناملك الزكية يا أخي
بانتظار جديد ابداعاتك |
[quote=سراب الأوهام;1615497]تباركت أناملك الزكية يا أخي بانتظار جديد ابداعاتك[/quote] أشكرك على هذه الكلمات الرقيقه والجديد يكون بدعائكم يا سراب الحقيقه أشكر لك مرورك أخوكم ابوتكتم الخير |
اللهم صلي وبارك على محمد وابن عمه علي عليهما السلام قصيده رائعه وكلام ولائي يسر القلوب بارك الله بك وجعلها في ميزان حسناتك ووفقك الله لكل خير ببر كه الصلاه على محمد وابن عمه علي عيلهما السلام تقبل بسيط المرور مني خادمكم الشاعر حسن خليفه |
اقتباس:
السلام عليكم أيها الأخ العزيز الشاعر حسن خليفه اشكرك على هذا الأطراء والذوق الرفيع تقبل تحياتي أخوكم ابوتكتم الخير |
يابو تكتم صدك كل الي جره
بكربله الاجساد كلها موذره لجن زينب بقت دوم مخدره ولاأنمس ذيالها وواحد كدر حبيبي ابا تكتم الخير وفقكم الله وسدد خطاكم لخدمة محمد وال محمد ورزقنا واياكم شفاعة الحسين عليه السلام تلميذكم ابو ظاهر البركي |
اقتباس:
اقتباس:
اليببغضك ياعلي واضح وظاهر ونه الغاليت بمحبتك و ظاهــــــر وحبي للوصي تكتم وظاهـــــر يبو ظاهر البركي (خذ) هديه حبيبي وعزيزي أبو ظاهر البركي أشكرك على هذه الأضافه الرائعه والتي زينت وعطرت القصيدة بأنفاسك الزكيه وفقنا ألله وإياكم لكل مايحب ويرضا المتعلم من جنابكم الكريم ابوتكتم الخير |
ياشاعر اهل البيت الراءع شكرا لجهدك موفق |
في ميزان اعمالك ووفقنا الله واياكم لخدمة امامنا المظلوم اباعبد الله الحسين عليه افضل الصلاة والسلام
|
اقتباس:
أشكرلك مرورك أخي البدري فهو يشرفني ولك خالص تقديري وإمتناني خادمكم ابوتكتم الخير |
| الشبكة: أحد مواقع المجموعة الشيعية للإعلام الساعة الآن: 11:32 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025