الــــزيـــــــاره الــشـــاعــر حــســــــن خــلــيـــفـــه
 

قصيده في رحاب الامام الحسين ابن علي ابن ابي طالب عليهما السلام


الـــزيـــــــاره



آجينه لشوفتك وكَلوبنه من الشوكـَ

قبل اجدامنه تسبكَنه عنايه

يبحر الجود جودك مايلمه الجود

قليل الجود يمه وجودك آهوايه

الدموع البجت لجلك لا ابد متضيع

لذلك احنه الك كل احنه بجايه

العطاء منك بدا ونتهى وسد الباب

مثلك ماشفت بالناس عطايه

آنته من الكرم اكرم يبو السجاد

الكرم عندك طغى وماحدته آولايه

آصفى من الصفاء الصافي يامولاي

الدين كَبال وجهك صاير آمرايه

ضحيت النفس والاخوه والاصحاب

نتمنه نتعلم جـزء من هايه

راسك عالرمح ويرتل القرءان

والرووس البقيه اوياك قرايه

تلكَيت السيوف بصدر كله آيمان

من شفت السيوف آوياك كَصايه

تخسى آجدامنه لو كَلنه آجت آتزور

آجت كَلوبنه لشوفتك مشايه

سلم للمجد دمك بيوم الطف

ونته تناوشيته بآخر البايه

مشيت المجد شعره آعلى حد السيف

صرتله الساريه وصارالك الرايه

ضل بموقفك يتنومس التاريخ

السويته بفخر ماسوته آسوايه

بجدك ذكرتهم وبعلي الكرار

لكن كان قتلك عدهم الغايه

في صدرك شلت كل حرف بالقرءان

وبلسانك بعدهي ترتل الايه ..


الشاعر

حسن خليفه

تحياتي

ابداع خادم
 

اعتذر لمروري علا ماكتبت ياابو فلاح ادعو من الله ان يسجل هاذا في ميزان اعمالك نرجوالمزيد ولنكن شوكه في عيون اعداء المذهب ومحرم علا الابواب والسلاح جاهز اقلامنا وقوافينا رماح في عيون النواصب نبقى خدام الحسين

اللهم صلي على محمد وأل محمد وعجل فرجهم


آنته من الكرم اكرم يبو السجاد

الكرم عندك طغى وماحدته آولايه

كلمات عذبه جدا بارك الله فيك يا شاعرنه المبدع
جعلها الله في ميزان حسناتك
تقبل مروري