|
أمي ........
امي شوكها واحلامها وتعب السنين ..........هنه ذنّي اسلاحها بوجه القدر ومن سوالفها صور رسمت لبوي ..........لأن في ذاك الزمن ماكو صور ولأن بالراتب يذكرون اسم أبوي ..........أمي جانت تحلف براس الشهر أمي أعذب كلمة ردّدها اللسان ..........وأمي نغمه النومة عين السهر أمي لو ميشوف دمعته تسيل.......... بدر شاكر ما كتب عن المطر أمي يا قصه بميادين الثبات.......... ومن صبر زينب خذت عنوانها أمي يادلة شرف بين الدلال.......... وبس أبوي الي حضه بفنجانها أمي يا شجرة وفه وكامت تبات.......... كل عصافير الطرف باغصانها وشكثر حاول يغيرها الخريف.......... وكابرت وكفه بطرك عودانها يا سفينه وبحرت بماي العفاف ..........وما غلط مره وعكس سكانها الآذان يصيح حيّ اعله الصلاه.......... وامي حيّ اعله الحنان وذانها طيف شمسي بكل وكت تنطينه لون.......... وما كدر دافنشي يقره الوانها شرد أوصف ام تعشينه وننام ..........ومن تجوع تفكر بجيرانها وشرد اوصف أم اذا لولت بليل.......... تنوم الخفاش ويه الحانها وشرد اوصف ام اذا ماكو طحين ..........تصير رحه وتطحن ابوجدانها أمي لا مو مثل باقي الامهات ..........أمي بس يعقوب يوعه الحانها الناس تقره الفاتحه وقل هو الله.......... وأمي جانت يختلف قرآنها أمي تقره بزينب وأم البنين.......... يعني قرآنين فوك السانها ميثم الرماحي |
ماااااااااا شااااااااااء الله و الله ما اجامل بس القصيده كلش عجبتني و صورها روعه روعه
|
احسنتم اخي ميثم شعر جميل وتشبيه اجمل
|
شعر راااااااااااااااائع
انت شاعر مليون هه اتمنى ان تنير المنتدى بقصائدك الجميله ^^ تقبل مروري |
بارك الله فيك استاذ ميثم حقن خوش تشبيه وبارك الله بمجهودكم الرائع وننتظر المزيد
|
شيعية بحت شكرا لمرورك الكريم اذا كانت الكلمات رائعة فان اعجابكم اروع تحياتي |
فاضل ابو منتظر
شكرا لمروركم تحيـــــــــــــــــــــــــــــــــــــــات عطرة لاعدمت مرورك |
اقتباس:
وفقك الله وحفظ والدتكم وسائر امهات الموالين تحية |
رآحيل
الرائع هو مروركم الطيب مو كل مبتداء لازم اسم مرفوع .......... ولا كل الندرسه نفتهم شـــــــرحه ابن ملجم الفاعل وا نعرب مظموم..... وعلي راسه انفتح بس رفعته الفتحه |
اسم غير معرف
اذا كنت انا شاعر المليون . فأنت الذواق المليار 1000000000 قبلـــــــــــــــــــــــــــــــــــــــــــــــ ــــــــــــــــــــــــــــــــــــــه |
| الشبكة: أحد مواقع المجموعة الشيعية للإعلام الساعة الآن: 09:54 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025