بسم الله الرحمن الرحيم
اللهم صل على محمد وآل محمد وعجل فرجهم

الفقيــــــــــــــر
ــــــــــــــــــــــــــــــــــــــــــــــــــ ــــــــــــــ
إذا ترغب مع الكرار بالجنّه == عِينَه للفقير إو لا تصد عنّه
ــــــــــــــــــــــــــــــــــــــــــــــــــ ــــــ
عِينَه للفقير إو لاترد محتاج == وإجعل سيرة الحامي إلَك منهاج
تعيش إبخير وإتنال الفخر والتاج == إذا تطعم فقير إو تطفي الونّه
ـــــ
إذا تطعم فقير إو تطفي آهاته == تمسح دمعته إو تمحيها عبراته
إله الكون تنزل بيك رحماته == بالجنّه الوسيعه إهناك تتهنّه
ــــــ
بالجنّه الوسيعه وَيْ أبو الحسنيين == إذا مَتْصِد فقير إو تطرد المسكين
مو حيدر حبيب الفُقره أبو الطيبين == مثل حيدر يريت إنصير نتمنّه
ــــــــ
مثل حيدر قلب مليان بالرحمه == يلاكيه الفقير إو ينشر البسمه
رئيس الفُقره حيدر ما نسوا رسمه == أرواح التعوز الفيضه تتعنّه
ــــــــ
أرواح التعوز الفيض أبو الأيتام == تكصد ما بعد تحتاج ما تنضام
غريب البي فقر فاقدها للأحلام == ألف موته يموت إو يدخل المحنه
ــــــــ
الف موته يموت المالكه زاده == ما يفرح أبد حزنه إلَه عاده
غريب إبدار أهله إو موطن أجداده == نعوذ إمن الفقر ياربنه إحفظنه
ـــــــ
نعوذ إمن الفقر ياربنه يارحمن == ترزقنه إبحلالك ما نذل لأنسان
إذا ترحم فقير إو تسعف الولهان == مَيْعوفك علي الكرار ما ظنّه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldu0d93334.mp3.html