منتديات أنا شيعـي العالمية - مجموعه من الومضات الشعريه الرائعه

ماأملك ابد حالف لحد الموت
اذا انت العسل من يكدر ايملك
صعب كلش صعب سر الجمال البيك
لغز كلك لغز ما ينعرف حلك
لذالك مو حلو هيج ارد اكول أعليك
لان كلك حلو حتى احلى من كلك

*****

لاتعتب على العين لو تمطر اشواق
قلب المحب معذور من طبعه يشتاق
ولاتظن من تغيب بالغيبة انساك
دور بروحك زين تلكاني وياك

*****

رغم عمري الكظيته جروح بجروح
أضحك من تمر شمات بيه

صرت مثل الشمع عالكاع مطروح
وحجي الوادم شمس يطلع عليه

الجسد شيفيد لو تطلع الروح
روحي أنت ورحت من بين أديه

******

عذب كلبي بيدك ما أكلك ليش

ما أكلك دليلي شلون عذبته

لانك لو جرحته الجرح بيك يصير

انت اصبحت كلبي وكلبي هو انته

******

مو طبع الجبل ينجر بالحبال ولا طبع الاسد يحتاج حارس
ومو كلمن ركب عالخيل خيال ولا كلمن يشيل سيف فارس
ومو كلمن لبسله عكال رجال الزلم جوهرة تره مو بالملابس
اذا تحسب زلم وتميز الابطال البطل بس الحسين بلا منافس

******

طبعاً الومضات منقوله
وتحياتي للجميع